ორსულობისთვის მომზადება

პირველ რიგში, გილოცავთ! წინ დიდი ბედნიერება გელით, მაგრამ ერთი წუთით, უფრო სწორად, 1-2 თვე დაიცადეთ. ორსულობამდე მნიშნველოვანი საქმეები გაქვთ.

• ჩაეწერეთ თქვენს თერაპევტთან ან გინეკოლოგთან. ექიმი გამოგკითხავთ თქვენს და თქვენი ოჯახის ისტორიას, წონას, კვების რეჟიმს. გკითხავთ წამლების შესახებ, რამეს თუ ღებულობთ. გარკვეული წამლების მიღება ჩასახვამდეც კი არ შეიძლება, რადგან ცხიმებში ინახება და შეიძლება ორგანიზმში გარკვეული პერიოდი დარჩეს. ექიმს დააინტერესებს თქვენი ისტორია „ბავშვობის ავადმყოფობებზე”, მაგალითად, ჩუტყვავილასა და წითურას შესახებ. შეიძლება გადაგამისამართოთ სხვა ექიმებთან ასთმის, დიაბეტის ან მაღალი წნევის შემთხვევაში. თუ 1 წლის განმავლობაში პაპ-ტესტი არ გაგიკეთებიათ და ვირუსებზე არ შემოწმებულხართ, მზად იყავით, რომ შეგამოწმებთ.
• მიიღეთ ფოლიუმის მჟავის დანამატი. ჩასახვამდე 1 თვით ადრე ფოლიუმის მჟავის 400 მიკროგრამის მიღება აუცილებელია. იგი საგრძნობლად ამცირებს ნერვული მილის დეფექტებს. ფოლიუმის მჟავა იყიდება აფთიაქებში, ასევე, შეგიძლიათ შეიძინოთ მულტივიტამინები, რომლებიც შეიცავენ ფოლიუმის მჟავას (400 მიკროგრამს). აუცილებლად აკონტროლეთ, რომ მულტივიტამინი არ შეიცავდეს 770 მიკროგრამზე მეტ ვიტამინ A-ს. რეკომენდირებულზე მეტი ვიტამინ A საშიშია ორსულობისთვის.
• აკონტროლეთ კოფეინის მიღება. სამედიცინო სამყარაშო არ არსებობს კონსენსუსი იმის შესახებ, თუ რამდენი კოფეინი უნდა მიიღოს ქალმა ორსულობამდე (ან ორსულობისას), გარკვეულ კვლევებში (თუმცა ყველაში არა) დიდი რაოდენობით კოფეინის მიღება დაკავშირებულია მუცელის მოშლის გაზრდილ რისკებთან. სიფრთხილეს თავი არ სტკივაო და 1 ჭიქაზე მეტი შეეცადეთ, რომ არ დალიოთ.
• შეწყვიტეთ მოწევა და ალკოჰოლის მიღება. კვლევები აჩვენებს, რომ მოწევა იწვევს მუცლის მოშლას, ადრე მშობიარობას და დაბალწონიანი ჩვილის დაბადებას. მოწევა ქალის ნაყოფიერებას და კაცში სპერმის რაოდენობას ამცირებს. პასიური მწეველობაც (ანუ თქვენ გარშემო თუ ვინმე ეწევა) კი ამცირებს დაორსულების შანსს. ალკოჰოლს რაც შეეხება, ორსულობამდე დღეში ერთი ჭიქის დალევა პრობლემა არ არის, მაგრამ ორსულობისას მოერიდეთ. დაზუსტებით არავინ იცის, რა ეფექტი აქვს ცოტა ალკოჰოლსაც კი ორსულობაზე.
• ეცადეთ, რომ ჩადგეთ ჯანსაღ წონაში. პირველ რიგში ,უფრო გაგიმარიტივდებათ დაორსულება. ასევე, ქალები, რომლებიც ორსულობას ჯანსაღი წონიდან იწყებენ, უფრო დაბალი რისკი აქვთ ორსულობისა და მშობიარობის გართულებებისა.
• მიაქციეთ ყურადღება თევზის ჭამას. თევზი ომეგა 3 ცხიმების ძალიან კარგი წყაროა (რაც აუცილებელია ბავშვის ტვინისა და მხედველობის განვითარებისთვის) და, ასევე, ბევრ სხვა კარგ ნივთიერებას შეიცავს, თუმცა, ზოგი თევზი, ასევე, შეიცავს ვერცხლის წყალს, რაც საშიშია. ექსპერტები თანხმდებიან, რომ ორსული ქალისთვის თევზის ჭამა აუცილებელია, თუმცა უნდა მოერიდოთ სკუმბრიას (მაკერელს), ხმალთევზას და, ასევე, დიდი რაოდენობით თინუსს (არაუმეტესი 170 გრამი კვირაში). შეგიძლიათ მიირთვათ ქაშაყი, ორაგული და კალმახი.
• ივარჯიშეთ დღეში 30 წუთი. სიარული საუკეთესო ვარჯიშია ორსულობის დროს, ამიტომ კარგი იქნება, თუ ორსულობამდე ფორმასა და რუტინაში ჩაჯდებით. თუ დიდი ხანია არ გივარჯიშიათ, გააქტიურდით. დაიწყეთ დღეში 10-20 წუთი სიარული, ან, თუნდაც, თუ ლიფტს იყენებთ, დაიწყეთ ფეხით ასვლა კიბეებზე.
• მიდით კბილის ექიმთან. ორსულობისას არ დაივიწყოთ პირის ღრუს ჰიგიენა. ჰორმონალური ცვლილებები ორსულობისას ზრდის ღრძილების დაავადებების რისკს. კარგი ამბავი ის გვაქვს, რომ ქალები, რომლებიც კბილებს ორსულობამდე უფრხილდებიან ,უფრო ნაკლები რისკი აქვთ ორსულობის დროს პრობლემებისა.თუ კბილის ექიმთან არ ყოფილხართ და კბილები არ გაგიწმენდიათ ბოლო 6 თვის განმავლობაში, აუცილებლად უნდა მიხვიდეთ.
• მოერიდეთ ინფექციებს. არ ჭამოთ არაპასტერიზებული რძის პროდუქტები, მაგალითად, იმერული ყველი, მოერიდეთ სუშის, უმ და ნაწილობრივ უმ საკვებს. ხშირად დაიბანეთ ხელები საჭმლის კეთების დროს. შეამოწნეთ, რომ მაცივრის ტემპერატურა 2-4 გრადუსამდეა, ხოლო საყინულის -18 გრადუსზე ქვევით. ეს იმისთვის არის საჭირო, რომ საჭმელი არ გაფუჭდეს. ასევე, არ დაგავიწყდეთ გრიპზე აცრა, რომ ორსულობისას გრიპი არ დაგემართოთ.