ორსულობა – სად მიდის ამდენი წონა?

ყველამ კარგად ვიცით, რომ ორსულობა დაკავშირებულია ზედმეტი კილოგრამების მატებასთან, თუმცა ხშირად გვეჩვენება, რომ იმ პატარა, ახლადმოვლენილი ანგელოზის წონის გათვალისწინებით, რომელიც საშუალოდ 3 კილოგრამს იწონის, 13-14 კილოგრამის მომატება ძალიან ბევრია. მიუხედავად ამისა, ექიმებისთვის  13-14 კილოგრამის მომატება ორსულობისას არ წარმოადგენს რაიმე საშიშროებას ან ნერვიულობის მიზეზს. ვისაუბროთ იმაზე თუ სად მიდის დანარჩენი კილორგამები და რას ემსახურება ის:

1. 2კგ-მდე სითხე. ჩვენი ორგანიზმი ბუნებრივად სავსეა სითხით. ამ სითხის წყალობით ორგანოები და უჯრედები მუდმივად იმყოფება ჰიდრატირებულ მდგომარეობაში. ასევე, ის საჭიროა სისხლის და სხვადასხვა საკვები ნივთიერებების ტრანსპორტირებისათვის მთელს სხეულში. როდესაც ქალი ორსულდება, ამ სითხის რაოდენობა ორგანიზმში მატულობს იმისთვის, რომ საკვები ნივთიერებების ტრანსპორტირება იყოს უფრო მეტად ეფექტური. სწორედ ეს ზედმეტი სითხეა პასუხისმგებელი შესიებულ კოჭებზე, რომელიც განსაკუთრებით შემაწუხებელია ორსულობის ბოლო ტრიმესტრში.
2. 2კგ-მდე სისხლი. ახლა როდესაც ორსული ქალბატონის გული ორი ადამიანისთვის მუშოაბს, მას სჭრდება ორჯერ მეტი ჯანგბადით მდიდარი სისხლი.
3. 1კგ-მდე მკერდი.  ორსულობის ჰორმონი პროგესტერონი და hCG ააქტიურებს რძის მილაკებს და იწვევს ძუძუს ქსოვილის შესიებას.
4. 1 კგ-მდე საშვილოსნო. საშვილოსნო სქელდება, ფართოვდება და იზრდება ისე, რომ  ნაყოფი 9 თვის განმავლობაში შიგნით კარგად გრძნობდეს თავს.
5. 700გ-მდე პლაცენტა. სპეციალური ორგანო, რომელსაც ორსულის ორგანიზმი წარმოქმნის იმისთვის, რომ ბავშვმა იკვებოს მანამ სანამ ის მუცელშია.
6. 1კგ.მდე ამნიოტურ სითხე. ნაყოფი ტივტივებს საშვილოსნოში, რომელიც გარშემორტყმულია ამნიოტური სითხით. ეს სითხე შედგება წყლისგან, ელექტროლიტებისგან, ცილებისგან და სხვა ნივთიერებებისგან, რომლებიც ეხმარება ნაყოფს ზრდაში.
7. 3 კგ-მდე მარაგი. რაც უფრო წინ მიდის ორსულობა, ბავშვი იმატებს ზონაში და ორსული ქალბატონის ორგანიზმი გადადის ,,მომარაგების რეჟიმში”- წარმოქმნის ცხიმის, ცილის და სხვა ნივთიერებების მარაგს, რომლებიც შემდგომ გამოიყენება დედის რძის წარმოქმნაში.
8. 3-3.5 კგ-მდე თქვენი პატარა. ამ ციფრების დაჯამებით მიიღებთ დაახლოებით იმ რიცხვს, რომელიც შეესაბამება ორსულობის დროს მოამტებული კილოგრამების ნორმას.