ლურჯი სუფრა
ჭურჭელი
ხალიჩები
აბრეშუმის შარფები
სამკაული
მაჯის საათები
ბალიშები და პლედები
საბავშვო წიგნები
უცხოელი ავტორები
უცხოენოვანი
ფანტასტიკა
ქართველი ავტორები
სახელმძღვანელოები
5 რამ, რაც ყველა ქალმა უნდა იცოდეს ორსულობის ტესტის შესახებ
ორსულობის ტესტის არჩევანი დიდია, მაგრამ მწარმოებლების რაოდენობის სიუხვე არჩევანის გაკეთების დროს თავბრუდამხვევი შეიძლება აღმოჩნდეს – მით უფრო, გარკვევა რატომ და რომელია უკეთესი, რა განსხვავებაა მათ შორის?
- ყოველი მათგანი განსაზღვრავს ერთიდაიგივეს
ყველა ორსულობის ტესტი რეაგირებს ჰორმონზე – ადამიანის ქორონიული გონადოტროპინი (HCG). HCG თქვენს ორგანიზმში ორსულობამდეც არსებობს, მაგრამ როგორც კი ნაყოფის იმპლანტაცია ხდება და ის ზრდას იწყებს, ჰორმონის დონის განსაზღვრა თქვენს სისხლსა და შარდში უკვე შესაძლებელია. საერთაშორისო თვლადი ერთეულების მიხედვით, როგორც კი ჰორმონების დონე მიაღწევს 25 საერთაშორისო ერთეულს (IU), ტესტის პასუხი დადებითია.
2. გამოიყენეთ დილით
დაფიქრებულხართ ორსულობის ტესტის ინსტრუქციაში რატომ გირჩევენ მის გამოყენებას დილით? ეს დაკავშირებულია იმასთან, რომ რამდენიმე საათიანი ძილის შემდეგ HCG გროვდება თქვენს შარდში, რადგანაც ის ინახება საშარდე ბუშტში. შარდი უფრო მეტად კონცენტრირებულია HCG-ით, შესაბამისად, დიდი ალბათობაა რომ ორსულობის შემთხვევაში დადებით პასუხს გამოიწვევს. საჭიროა მინიმუმ 25 IU HCG შარდში, ტესტის დადებითი პასუხის მისაღებად.
დღესდღეობით, ბაზარზე არსებული ტესტები გაცილებით მეტად მგრძნობიარეა აღნიშნული ჰორმონის მიმართ, ვიდრე 10 წლის წინ იყო. ამიტომ ტესტირება დილით აუცილებლობას აღარ წარმოადგენს. უფრო ზუსტი რეზულტატისთვის შეგიძლიათ შეამოწმოთ დილით, მაგრამ არ დაიძაბოთ, თუ დილით ვერ ახერხებთ.
3. ძვირადღირებული არ ნიშნავს უფრო ზუსტს
სხვადასხვა ბრენდის ორსულობის დასადგენ ტესტებს შორის პრაქტიკულად განსხვავება არ არის. თქვენ არ გჭირდებათ ყველაზე ძვირი ტესტი, რომ იყოს ყველაზე ზუსტი. ამის მიზეზი ისაა, რომ ორსულობის ტესტი, რომელიც აფთიაქებში შეგიძლიათ შეიძინოთ სახლის პირობებში გამოსაყენებლად, ერთიდაიგივე საზომით ზომავს. ამიტომ ამისათვის ნებისმიერი ტესტი გამოდგება.
4. თქვენმა ექიმმა შესაძლებელია სხვა სახის ტესტი გამოიყენოს
ყველა შარდის ანალიზი აჩვენებს HCG ჰორმონის რაოდენობას მას შემდეგ, როცა ის მიაღწევს 25 IU-ს. მაგრამ არსებობს განსხვავებული ტესტები, რომელიც აღნიშნული ჰორმონის ოდენობას განსაზღვრავს ადამიანის სისხლში. ქალებს, რომლებიც ორსულობის მოშლის რისკის ქვეშ არიან ან სხვა ორსულობასთან დაკავშირებული გართულებები აღენიშნებათ, ექიმები ურჩევენ სისხლის ანალიზის ჩატარებას, რომ გამოვლინდეს ჰორმონის მომატება ორგანიზმში ორსულობის ვადის დასადგენად. ყოველ 48 საათში ორგანიზმში ფიქსირდება ჰორმონის გაორმაგება. როცა ის მიაღწევს 1800-ს, შესაძლებლობა გვაქვს დავაკვირდეთ ორსულობას საშვილოსნოში. ხოლო, როცა 2500-მდე გაიზრდება, უკვე შესაძლებელია ნაყოფის სქესის განსაზღვრა, ასევე, გულისცემის მოსმენაც.
5. ჯანმრთელობის მდგომარეობამ შეიძლება გავლენა იქონიოს ტესტის შედეგზე
ზოგიერთი მედიკამენტი, განსაკუთრებით ის მედიკამენტები, რომლებსაც უშვილობის სამკურნალოდ იყენებენ, შეიცავს HCG ჰორმონს და პოტენციურად შეუძლია აღნიშნული ჰორმონის დონის გაზრდა შარდში, შესაბამისად, შესაძლოა ცრუ პოზიტიური შედეგი მივიღოთ. არასწორი დადებითი პასუხის ჩვენება და HCG-ის მომატება შეიძლება გამოიწვიოს, ასევე, ჰიპოფიზის დარღვევებმა და საკვერცხეების სიმსივნემ.
გადამოწმების მიზნით, ქალები ხშირად განმეორებით ტესტს იკეთებენ, მაშინაც კი, როცა შედეგი დადებითია. თუ ტესტმა ორჯერ დადებითი პასუხი აჩვენა, გილოცავთ, თქვენ ორსულად ხართ!
