როგორ გავუმკლავდეთ ზაფხულის ცხელ დღეებს ორსულობისას?

ორსულობისას ჩვეულებრივი მოვლენაა, რომ უფრო მეტად შეგაწუხოთ სიცხემ, ვიდრე ჩვეულებრივ მდგომარეობაში. ამიტომ, გთავაზობთ რამედნიმე იდეას, როგორ გაუმკლავდეთ ზაფხულის შემაწუხებლად ცხელ დღეებს ისე, რომ თავადაც უსაფრთხოდ იყოთ და თქვენი მომავალი შვილიც.

რა ჩავიცვა, რომ სიგრილე შევინრჩუნო?

• დაფარეთ სხეული – მზეზე ყოფნისას ჩაიცვით გრძელმკლავიანი მაისური და გრძელ, ფართო ტოტებიანი შარვალი, ან გრძელი და სრული კაბა. შეარჩიეთ ფერადი და ბუნებრივი, თხელი მატერიის სამოსი – ეს დაგეხმარებათ მზის სხივების პირდაპირი ზემოქმედების თავიდან აცილებასა და სიგრილის შენარჩუნებაში.
• ბუნებრივი სამოსი – ჩაიცვით ბუნებრივი (ბამბის ან ტილოს) მატერიის სამოსი. ამგვარი ტანისამოსი კარგად ატარებს ჰაერს და იცავს ორგანიზმს გადახურებისაგან და ასევე ნაკლებად აღიზიანებს კანს.
• ატარეთ ფართო ფარფლებიანი ქუდი (შლაპა), ან თხელი, ღია ფერის შარფი.
• არ დაგავიწყდეთ ტერფების მოვლა – სანდლები ნამდვილად გრილი და კომფორტული მოსახმარია ზაფხულის ცხელ დღეებში, მაგრამ ის კარგად ვერ იცავს მზისგან თქვენს ტერფებს. ასე რომ, წაისვით მზისგან დამცავი კრემი, რათა დაგიცვათ მავნებელი სხივებისაგან.

რა გავითვალისწინოთ გარეთ ყოფნისას?

• თუ ეს შესაძლებელია, გარეთ გასვლა შედარებით გრილ დღეებში ან დღის შედარებით გრილ მონაკვეთებში დაგეგმეთ.
• იხმარეთ წყლის სპრეი. ეს ძალიან კარგი იდეაა გასაგრილებლად.
• იქონიეთ მარაო ან მინი-ვენტილატორი.
• ეცადეთ ყოველთვის ჩრდილს შეაფაროთ თავი. განსაკუთრებით დღის იმ მონაკვეთებში, როცა მზის სიმხურვალე პიკს აღწევს (11-15 სთ.) .
• შეამცირეთ მარილის რაოდენობა თქვენს რაციონში.
• სწრაფი გაგრილებისათვის შეუშვირეთ მაჯები გამდინარე წყალს. დაისველეთ სახე, ზურგი და კისერი. ეს ცოტა ხნით მაინც მოგგვრით შვებას.