როგორ გავიგოთ ნიჭიერია თუ არა ბავშვი?

მშობელთა უმეტესობას აინტერესებს, როგორია მისი შვილის გონებრივი განვითარება და აქვს თუ არა მას განსაკუთრებული ნიჭი. საინტერესოა, მაინც რა ითვლება ნიჭიერებად და რის საფუძველზე ანიჭებენ ამა თუ იმ ბავშვს ნიჭიერის სტატუსს.

ნიჭიერთათვის დამახასიათებელი თვისებები

ხშირად, ბავშვები, რომლებიც სწრაფად სწავლობენ, ამასთანავე ნიჭიერებიც არიან, თუმცა ეს ყოველთვის ასე არ ხდება.

შესაძლოა ბავშვი თავისი ასაკისათვის საჭირო განვითარებას ვერ ფლობს, მაგრამ გრაკვეული დროის შემდეგ ის ძალიან სწრაფად ეწევა და უსწრებს განვითარებაში თავის თანატოლებს. მაგალითად, შეიძლება მან გვიან ისწავლოს საუბარი, თუმცა საუბრის დაწყებიდან ძალიან ცოტა დროში აყალიბებს საკმაოდ რთულ წინადადბებს.

შესაძლოა ასეთმა ბავშვმა კითხვა დაიწყოს თანატოლებზე გვიან, მაგრამ უმოკლეს დროში ის მიიწევს სწრაფად წინ და შეუძლია თავის ასაკისათვის განკუთვნილზე ბევრად რთული ნაწარმოებების წაკითხვა.

ნიჭიერ ბავშვებს იზიდავთ უფროსი ასაკის ბავშვებთან ურთიერთობა

ეს იმიტომ, რომ უფროსი ბავშვები უფრო მეტად შეეფერებიან მათ ინტელექტუალურ მონაცემებს და ინტერესებს. ასევე, ნიჭიერ ბავშვებს აინტერესებთ ისეთი თამაშები და თემები, რაც მათი ასაკის ბავშვებისათვის უინტერესო და მოსაწყენია.

როგორია მშობლების ზეგავლენა?

მიუხედავად იმისა, ბავშვი ძალიან ნიჭიერია თუ არა, აღმზრდელობითი ზეგავლენა მასზე ძალიან დიდ როლს თამაშობს. სწორი მიდგომით და საჭირო ქმედებებით შესაძლებელია ბავშვებში არსებული რესურსების მაქსიმალურად გამოვლენა.

ზოგიერთი მკვლევარი ფიქრობს, რომ ყველა ბავშვი ერთნაირად ნიჭიერია, განსხვავება მხოლოდ იმ პირობებშია, რომელშიც ისინი იზრდებიან. ასეა თუ ისე, ბავშვის გონებრივი შესაძებლობები უნდა მივიღოთ არსებულ ფაქტად და არ უნდა შევქმნათ მისგან არც ხატი და არც ტრაგედია.

რას მივაქციოთ ყურადღება?

დააკვირდით როგორია თქვენი შვილის ინტერესები და გაუკაფეთ მას გზა მისთვის საინტერესო სფეროებისაკენ. მაგალითად, თუ თქვენ შეამჩნევთ, რომ თქვენი შვილი დაინტერესებულია დინოზავრებით, უყიდეთ მას დინოზავრის სათამაშოები და წიგნები დინოზავრების შესახებ.

გონიერ ბავშვებს უყვართ თავიანთი ტვინის გამოყენება. ამოხსენით ერთად სხვადასხვა თავსატეხები, დაუსვით მას შეკითხვები და უპასუხეთ რაც შეიძლება ამომწურავად მათ მიერ დასმულ შეკითხვებს.

ყურადღება და ურთიერთობა ყველა ბავშვისათვის ერთნაირად მნიშვნელოვანია მათი გონებრივი შესაძლებლობების მიუხედავად. ეცადეთ გაატაროთ მათთან რაც შეიძლება მეტი დრო, რაც თავისთავად დაგეხმარებათ უფრო კარგად გაიგოთ, თუ რა სჭირდება თქვენს შვილს.