ნაკაწრები, ჭრილობები – რა უნდა იცოდეს ყველა მშობელმა?

მოგეხსენებათ რომ შეუძლებელია აქტიური და ცნობისმოყვარე ბავშვი დავიცვათ ნაკაწრებისა და ჭრილობებისგან. გარდა თქვენი, ანუ მშობლის სითბო და ყურადღებისა, ამ დროს ბავშს ესაჭიროება სხვანაირი დახმარება. ვეცდებით გაგიმარტივოთ საქმე და გაგარკვიოთ დეტალებში:

საუკეთესო გზა პატარა ნაკაწრების და ჭრილობების მოსავლელად

თითქმის ყველა აქტიური სისხლდენის შეჩერება შეიძლება პირდაპირი დაწოლით სუფთა სახვევით ან ტანსაცმლით ჭრილობის ადგილზე 5-10 წუთის განმავლობაში. ყველაზე ხშირი შეცდომა არის ხელის დროზე ადრე აღება ამ ჭრილობიდან მასზე დახედვის მიზნით.

• როდესაც სისხლდენა შეჩერდება: ნაზად გაასუფთავეთ ჭრილობა საპნითა და წყლით 5 წუთის მანძილზე. თუ ბავშვი გეწინააღმდეგებათ, შეეცადეთ აბაზანაში წყლის ქვეშ მაინც შეუშვიროთ ჭრილობა. ჭრილობის გასუფთავება შეამცირებს ინფექციის განვითარების რისკს.
• ჭრილობის გასუფთავების შემდგომ: გამოიყენეთ ანტიბაქტერიული მალამოს მცირე რაოდენობა ჭრილობის დასამუშავებლად და შეახვიეთ ის მშრალი სახვევით მანამ, სანამ არ შეხორცდება.

როგორ მივხვდე სჭირდება თუ არა ბავშვს ნაკერის დადება?

• ჭრილობა, რომელიც კანს მთლიანად გაივლის – ამ შემთხვევაში კარგია ნაკერის დადება
• ნებისმიერი ღია ჭრილობა, თუ მასში ჩანს მუქი წითელი კუნთი ან მოყვითალო ცხიმი, აუცილებლად უნდა დაიხუროს, იმ შემთხვევაშიც კი, თუ ის ზომაში პატარაა
• ნებისმიერი ღია ჭრილობა, რომლის სიგრძეც აღემატება 1 სმ-ს უმჯობესია დაიხუროს. თუ არ ხართ დარწმუნებული, შეგიძლიათ აიღოთ სახაზავი და გაზომოთ ის. ზომაში უფრო პატარა ჭრილობებს, როგორც წესი, არ სჭირდება დახურვა. იმ შემთხვევაში თუ ის ღიაა, აუცილებელია ექიმთან გადამოწმება

დაზიანებიდან რამდენ ხანში უნდა მივიყვანო ბავში ექიმთან ნაკერის დასადებად?

ჭრილობების უმეტესობა შეიძლება დაიხუროს დაზიანებიდან 24 სთ-ში, ზოგი ჭრილობის დახურვა აუცილებელია 24 სთ-ზე ადრე, მაგრამ ყველაზე უსაფრთხოა ჭრილობის მიღებიდან მინიმუმ 8 საათი იყოს გასული ნაკერის დასადებად.

თუ გადაწყვიტავთ მოცდას:

გაასუფთვეთ დაზიანებული ადგილი წყლის ქვეშ. როცა მორჩებით არ დააცადოთ გაშრობა, დაასველეთ საფენი და დაადეთ ჭრილობას. ცვალეთ საფენი ყოველ 2 საათში, რათა  ჭრილობა არ გაშრეს.