რა გავითვალისწინოთ მზისგან დამცავის შეძენისას?

ზაფხული მოვიდა და ბავშვების მზისგან დაცვაც საჭირო გახდა. ქვემოთ მოყვანილია რეკომენდაციები, რომლებიც ამის სწორად განხორციელებაში დაგეხმარებათ

მზისგან დამცავი საშუალების შეძენისას დააკვირდით შემდეგ მახასიათებლებს :

1. მზისგან დამცავი ფაქტორი, ანუ SPF უნდა იყოს 30 ან მეტი
2. უნდა იცავდეს კანს, ულტრაიისფერი A და B სხივებისგან (UVA, UVB)
3. უნდა იყოს წყალგამძლე (უნდა იცავდეს ბავშვებს წყალში 40-80 წთ-ის განმავლობაში)

ბაზარზე მზისგან დამცავი საშუალებები სხვადასხვა ფორმით გვხვდება. ესენია:  კრემი, გელი, სპრეი, სტიკერი.

არ გამოიყენოთ ისეთი საშუალება, რომელსაც აწერია PABA, რადგან შეიძლება გამოიწვიოს კანის ალერგია, ხოლო მგრძნობიარე კანისთვის შეიძინეთ ტიტანიუმის დიოქსიდის შემცველი პროდუქტი.

გაითვალისწინეთ, რომ 6 თვემდე ასაკის ბავშვების მზეზე გაყვანისას  განსაკუთრებული სიფრთხილე გმართებთ. ჩააცვით მას მსუბუქად და ისე, რომ მისი კანი და თავი დაფარული იყოს.

მნიშვნელოვანია რომ მზისგან დამცავი საშუალება სწორად გამოიყენოთ. წაუსვით იგი ბავშვს  ყოველთვის როცა მზეზე იქნება. საუკეთესი შედეგისთვის უმჯობესია გარეთ გასვლამდე 15-30 წუთით ადრე. არ დაგავიწყედეთ ყურების, ხელების, ფეხების, მხრების და კისრის დაცვა მზისგან. ტუჩებისთვის გამოიყენეთ სპეციალურად მისთვის შექმნილი SPF 30-ის შემცველი საშუალება.

ხელახლა წაუსვით ყოველ 2 საათში ერთხელ და აგრეთვე წაუსვით იგი ხელმეორედ, როცა ბავშვი ამოვა წყლიდან ან ოფლიანი იქნება

იმ შემთხვევაში, თუ ბავშვს წყალთან აქვს შეხება,  შეიძინეთ ისეთი მზისგან დამცავი საშუალება, რომელზეც მითითებულია რომ იგი წყალგამძლეა (Water-resistant) ასეთი ტიპის საშუალებები წყალში 80 წუთამდე ძლებს და არ დაგავიწყდეთ რომ წაუსვათ იგი კიდევ ერთხელ მაშინ, როცა ბავშვი წყლიდან ამოვა.

და რაც მთავარია, წაისვით მზისგან დამცავი საშუალება უხვად და არ იხმაროთ ვადაგასული პროდუქცია!