მუცელზე დაწოლა – ჩვილის აუცილებელი სავარჯიშო

ჩვილები ძალიან დიდ დროს ატარებენ ზურგზე. პედიატრების რეკომენდაციით,ზურგზე სძინავთ და სიფხიზლეშიც ძირითად დროს ზუგრზე ატარებენ.

ჩვილებს აუცილებლად სჭირდებათ მუცელზე წოლა ძლიერი კისრის და ზურგის კუნთების გასავითარებლად. ეს კუნთები მოგვიანებით დაჯდომას, გადატრიალებას, ხოხვას და სიარულში შეუწყობს ხელს. ასევე, მუცელზე წოლა აუცილებელია იმისთვის, რომ ბავშვს არ განუვითარდეს ბრტყელი თავი. ჩვილი ბუნებრივად ცდილობს, რომ თავი ასწიოს და დაინახოს მის გარშემო სამყარო, თუმცა 3-4 თვემდე ეს დიდად არ გამოსდის.

რა ასაკიდან იწყება მუცელზე წოლა?

მუცელზე წოლა, შეიძლება გაგიკვირდეთ, მაგრამ ბავშვის სამშობიაროდან გამოყვანის მომენტიდან არის რეკომენდირებული (წყარო: ამერიკის პედიატრთა ასოციაცია)

ბავშვი მხოლოდ მაშინ უნდა დააწვინოთ მუცელზე, როდესაც არ სძინავს.

რა სიხშირით ვაწვენთ ბავშვს მუცელზე?

თავიდან სცადეთ დღეში 2-3- ჯერ, თითო ჯერზე 3-5 წუთი. როგორც კი მოძლიერდება, გაზარდეთ მუცელზე წოლის დრო. პამპერსის გამოცვლის ან ძილის შემდეგი პერიოდი კარგი დროა მუცელზე დასაწოლად.

ბავშვს არ მოსწონს მუცელზე წოლა?

დიდი შანსია, რომ ბავშვს თავიდან არ მოეწონოს ახალი პოზა და სულ რამდენიმე წამით გაჩერდეს. სცადეთ, რომ საჩხარუნო სათამაშო ან სარკე დაუდოთ წინ. ჩვილი ყურადღებას საგანზე გადაიტანს. ცოტა ხანში ჩვილს მოეწონება თავისი ახალი სავარჯიშო და საყვარელი გასართობიც გახდება. ასევე, შეგიძლიათ მუცელზე დაიწვინოთ და ელაპარაკოთ. ბავშვი შეეცდება, რომ თავი ასწიოს და თქვენი სახე დაინახოს.

უსაფრთხოება მუცელზე წოლის დროს.

აუცილებლად დააწვინეთ მაგარ ზედაპირზე, ისეთ ადგილას, რომ არ ჩამოვარდეს – იატაკი (საბავშვო ხალიჩაზე) საუკეთესო ადგილია. არავითარ შემხვევაში ბავშვი მარტო არ დატოვოთ. თუ ბავშვს მუცელზე წოლის დროს დაეძნება, აუცილებლად გადმოატრიალეთ და ზურგზე დააწვინეთ ძილის დროს. არასდროს ბავშვი მუცელზე არ დააძინოთ