როგორ ცვლის ბავშვის ტვინს მშობლის საუბრის მანერა?

მშობლებმა ვიცით, რომ ბავშვთან საუბარი მათ განვითარებას უწყობს ხელს. ახალი კვლევის მიხედვით, რომელიც მასაჩუტის ტექნოლოგიურ ინსტიტუტში (MIT) ჩატარდა, გამოიკვეთა, რომ მხოლოდ ლაპარაკი არ არის საკმარისი. აუცილებელია, რომ ყურადღება მივაქციოთ ჩვენი საუბრის მანერას. იმის მაგივრად, რომ  მათი ლექსიკის გამდიდრების მიზნით, ბავშვებს სიტყვები „მივაყაროთ“, დრო უნდა დავუთმოთ დიალოგში საუბარს („პინგ-პონგივით“ – მონაცვლეობით ლაპარაკს), ისე როგორც მეგობრებს ველაპარაკებით.

MIT-ის კვლევამ, რომელიც 4-6 წლამდე ბავშვებში ჩატარდა, აშკარა უპირატესობა გამოამჟღავანა იმ ბავშვებში, რომლის მშობლებიც გამართულ დიალოგში შედიან ბავშვებთან. მათი უპირატესობა ტვინის განვითარებაში და ლინგვისტურ უნარებში, კოგნიტურ ტესტებში და MRI ტვინის სკანებშიც კი გამოჩნდა.

მსგავსი მასშტაბის კვლევა 1995 წელსაც ჩატარდა, სადაც გამოიკვეთა, რომ ამერიკის შეძლებულ ოჯახებში გაზრდილი 3 წლამდე ბავშვები, 30 მილიონი სიტყვით მეტს ისმენენ, ვიდრე ბავშვები ღარიბი ოჯახებიდან. 30 მილიონ სიტყვის განსხვავებას  ბავშვების ინტელექტუალური განვითარება სხვა ტრაექტორიაზე მიჰყავს.

დღეს, უამრავი წიგნი, სათამაშო და აპლიკაცია არსებობს იმისთვის, რომ ბავშვის ლექსიკას და ლინგვისტურ განვითარებას ყურადღება მივაქციოთ. თუმცა, MIT-ის კვლევის თანახმად, ბავშვებზე სიტყვების მიყრას იმდენად დიდი ეფექტი არა აქვს, თუ ეს არ მოხდა სოციალური და ადამიანური ინტერაქციის თანხლებით. ბავშვს უნდა მოვუსმინოთ და მასთან დიალოგში შევიდეთ. ჩვილის შემთხვევაშიც რჩევა იგივე რჩება. გვირჩევენ, რომ ჩვილის მიერ გამოშვებულ ხმები გავიმეოროთ და მიმიკით შევეცადოთ მათთან ინტერაქციას.