ენდრიუ ადესმანი: ძილთან დაკავშირებული მითები

ყველასთვის კარგად ნაცნობია სიტუაცია, როდესაც ბავშვთან დაკავშირებით მშობელი იღებს უამრავ რჩევა-დარიგებას თავისი ოჯახის წევრებისგან, მეგობრებისგან, ნათესავებისგან და ა.შ. მაგრამ როგორ გავიგოთ რომელია აქედან სწორი ინფორმაცია და პირიქით? ჩვენ ვეცდებით დავყოთ მითები და რეალობა ერთმანეთისგან წიგნის საშუალებით, რომლის ავტორიც არის ექიმი ენდრიუ ადესმანი.

ექიმი ენდრიუ ადესმანი არის – ნიუ-ორკში შნეიდერის ბავშვთა კლინიკის განვითარებადი და ქცევითი პედიატრიის განყოფილების უფროსი, ასევე, ალბერტ აინშტაინის მედიცინის სკოლის ასოცირებული პროფესორი პედიატრიულ განყოფილებაში.

ძილის პოზა ბავშვებში

მითი:  არაუშავს თუ ძილის დროს ბავშვს დააწვენ გვერდულად.

რეალობა: SIDS სინდრომის შესამცირებლად პატარა უნდა დავაწვინოთ აუცილებლად  ზურგზე, და არა მუცელზე ან გვერდულად. ზურგზე წოლა არის ყველაზე უსაფრთხო მდგომარეობა ჩვილის ძილისთვის.

ძილის კონტროლი

მითი: თავისუფლად შეგიძლია აკონტროლო როდის და რამდენი ხანი დაიძინებს პატარა.

რეალობა: ახალშობილები იძინებენ მაშინ როდესაც მზად არიან ამისთვის და იღვიძებენ მაშინ როდესაც შიათ, ცუდ ხასიათზე არიან ან სხვა უამრავი ნორმალური მიზეზის გამო.

ჩვილის გახვევა/შეხვევა

მითი: ჩვილის გახვევა მის დასაწყნარებლად და დასამშვიდებლად არის მოძველებული მეთოდი.

რეალობა: ჩვილის გახვევა, როდესაც ეს კეთდება სწორად, არის საკმაოდ ეფექტური გზა პატარას დასამშვიდებლად.

წაძინება/ჩათვლემა

მითი: თუ პატარამ ჩათვლიმა მანქანაში ან საბავშვო ეტლში, ეს არ ითვლება ძილად.

რეალობა: თუ თქვენმა პატარამ ჩათვლიმა ხმაურიან გარემოში, ესეც რათქმაუნდა ითვლება ძილად. ასეთ შემთხვევაში არ არის აუცილებელი ის სასწრაფოდ გადავიყვანოთ თავის საწოლში, შეუძლია იქ იძინოს სადაც არის.

ბრინჯი ძილის წინ

მითი:  საკვებში  ბრინჯის მარცვლეულის დამატება ძილი წინ, ეხმარება ჩვილს უკეთეს ძილში.

რეალობა: არ არსებობს არანაირი მტკიცებულება, რომ ეს მეთოდი გავლენას ახდენს ბავშვის ძილზე. პირიქით,  ჩვილებს 4 თვის ასაკამდე უჭირთ მისი მონელება. ამიტომ, ეს არ არის რეკომენდირებული.