რა არის მეხუთე დაავადება?

ინფექციური ერითემის, ანუ მეხუთე დაავადების გამომწვევია პარვოვირუსი B19. იგი გამონაყრით მიმდინარე ბავშვთა დაავადებების კლასიფიკაციაში მეხუთე ადგილს იკავებს –  წითელა, ქუნთრუშა, წითურა, დუკეს დაავადება და მეხუთე დაავადება. ასევე, არსებობს მეექვსე დაავადება – როზეოლა.

ძირითადად ადრეულ გაზაფხულზე გვხვდება. გადაეცემა ჰაერ-წვეთოვანი გზით დაავადებამ შესაძლოა ნებისმიერ ასაკში იჩინოს თავი, თუმცა უფრო ხშირია ადრეული სკოლის ბავშვებში.

საინკუბაციო პერიოდი, ანუ პერიოდი დასნებოვნებიდან კლინიკური ნიშნების გამოვლენამდე დაახლოებით ორი კვირა გრძელდება

გამონაყრის გაჩენამდე სიმპტომები ძალიან ზოგადია და შესაძლოა გაციებაში აგვერიოს, ესენია:

• თავის ტკვილი
• დაღლილობა
• ნორმალური ან სუბფებრილური ტემპერატურა
• ყელის ტკივილი
• გულისრევა
• გამონადენი ცხვირიდან

კლინიკური ნიშნების გამოვლენიდან რამდენიმე დღეში თავს იჩენს გამონაყარი ლოყებზე და ბავშვი “სილაგაწნულის”  შთაბეჭდილებას ტოვებს.

შემდეგ იგი ვრცელდება ტანსა და კიდურებზე. გამონაყარი შესაძლოა რამდენიმე კვირა გაგრძელდეს.

მნიშვნელოვანია ის ფაქტი, რომ ამ პერიოდში ადამიანი კონტაგიოზური აღარ არის

მეხუთე დაავადება მოზრდილებში უფრო ხშირად სახსრების ტკივილით მიმდინარეობს

დიაგნოზს სვამს ექიმი ანამნეზის და ვიზუალური დათვალიერების საფუძველზე. დამატებით შესაძლოა საჭირო გახდეს სისხლის ანალიზი

დაავადება ჯანმრთელ პირებში სპეციფიურ მკურნალობას არ მოითხოვს და მიმართულია ცალკეული სიმპტომების წინააღმდეგ

განსაკუთრებული სიფრთხილე და ექიმის მეთვალყურეობა ესაჭიროებათ:

• დაქვეითებული იმუნიტეტის მქონე ადამიანებს
• პირებს, რომლებსაც აქვთ ანემია
• ორსულებს