მატყუარის გამოყენების წესები

ზოგიერთ მშობელს მიაჩნია, რომ მატყუარა არის მათთვის ხსნა. ზოგიერთი კი არ მიიჩნევს მის გამოყენებას მიზანშეწონილად. ჩვენ დაგეხმარებით გადაწყვეტილების მიღებაში, საჭიროა მატყუარა თქვენთვის და თქვენი პატარასთვის თუ არა:

მატყუარას დადებითი მხარეები

• მატყუარას აქვს დამამშვიდებელი/დამაწყნარებელი ეფექტი
• როდესაც ბავშვი იყენებს მატყუარას, SIDS-სინდრომის განვითარების რისკი არის შემცირებული

მატყუარას უარყოფითი მხარეები

• მატყუარას გამოყენება უკავშირდება შუა ყურის ანთების რისკის მსუბუქ მატებას
• მატყუარას გამოყენება, განსაკუთრებით 4-5 წლის ასაკამდე, ზრდის კბილებთან დაკავშირებული პრობლემების განვითარების შანსს მოზრდილ ასაკში, მაგ: კბილების წყობის დარღვევა (არსებობს სპეციალური მატყუარები რომლებიც კბილების სწორ ჩამოყალიბებას უწყობს ხელს – იხილით აქ)
• ბავშვის ხასიათზე უარყოფით გავლენას ახდენს მატყუარას დაკარგვა
• ხშირად პატარები ვერ იძინებენ მატყუარას გარეშე

 როგორ ავარჩიოთ მატყუარა?

• მოძებნეთ რბილთავიანი მატყუარა, რომელიც არის ერთი მთლიანი და არ შედგება ორი ნაწილისგან, რათა გატეხვის შემთხვევაში თავიდან აირიდოთ გადაცდენის საშიშროება
• მოძებნეთ პლასტმასის მყარი თავსახურავი, დარწმუნდით რომ კვეთაზე ის არის 3 სმ-ზე დიდი, იმისთვის რომ თქვენმა პატარამ ვერ შეძლოს მისი მთლიანად პირში ჩადება
• თუ თქვენი პატარა არის 6 თვეზე ნაკლების, აარჩიეთ ისეთი მატყუარა, რომ შეიძლებოდეს მისი დამდუღვრა.
• შეამოწმეთ წარწერა შეფუთვაზე. დარწმუნდით რომ ის ერგება თქვენი ბავშვის ასაკს
• თუ თქვენი პატარა მიჩვეულია ბოთლიდან ჭამას, შესაძლებელია მას მოეწონოს იგივე ბრენდის მატყუარა, რაც არის ბოთლი. ხშირად მათი გემო ერთნაიარია

მატყუარას მოვლა

• 6 თვის ასაკამდე ბავშვები უნდა იყენებდნენ სტერილიზირებულ მატყუარებს
• 6 თვიდან ზემოთ ბავშვს შეუძლია წინააღმდეგობა გაუწიოს სხვადასხვა ინფექციებს, ამიტომ შეგიძლიათ მატყუარა მხოლოდ წყლით და საპნით გარეცხოთ. არ არის საჭირო მისი სტერილიზაცია
• თუ შეამჩნევთ რომ მატყუარა დაზიანებულია, შეცვალეთ ის ახლით