აქციეთ ყოველი დღე მამის დღედ: 10 რჩევა მხოლოდ მამებს

ხანდახან მამები თავს გარიყულად გრძნობენ. ისინი ზოგჯერ არ არიან დარწმუნებული თავის შესაძლებლობებში მშობლის ამპლუაში, ქალები კი გრძნობენ შიშის სუნს. გყავდეს დედა – ეს შესანიშნავია, მაგრამ ბავშვებს სჭირდებათ განსხვავებული პერსპექტივაც, რაც მამებმა შეიძლება შესთავაზონ.

მივყვეთ ნაბიჯ-ნაბიჯ. ის, რაც დედებს გვსურს იცოდნენ მამებმა, იმისთვის, რომ თავი უფრო თავდაჯერებულად იგრძნონ მშობლის მოვალეობების შესრულებისას:

1. არ შეგეშინდეთ საკუთარ შვილთან მარტო დარჩენის. თუ ჩვილი ბავშვი გყავთ, ყველაზე მნიშვნელოვანი, რაც უნდა იცოდეთ არის ის, რომ ჩვილები ხანდახან ტირიან. ყოველთვის ვერ შეძლებთ ამის თავიდან აცილებას. ასეთ შემთხვევებში, იმის ნაცვლად, რომ მომხდარი ფაქტით შეშინდეთ, გადახედეთ საკონტროლო სიას: ბავშვს შია, დაიღალა, სიცხე აქვს, ცივა, ან იქნებ საფენის გამოცვლა სჭირდება? თუ ჩამოთვლილი პრობლემები გადაამოწმეთ, მაგრამ ტირილი მაინც გრძელდება, შეეცადეთ შეცვალოთ მდგომარეობა: აიყვანეთ ბავშვი, თუ შესაძლებელია, გადით ქუჩაში სასეირნოდ ბავშვთან ერთად. თუ არ იცით, როგორ გახსნათ-დაკეცოთ ეტლი, როგორ მოათავსოთ ბავშვი სწორად ეტლში, ეტლის გარეშე გადით გარეთ. საბოლოო ჯამში, თქვენ შეძლებთ  ბავშვის დამშვიდებას. ამასთანავე, თქვენ დაგეუფლებათ სასიამოვნო სიამაყის განცდა თქვენში „მამის ინსტინქტის“ აღმოჩენით.
2. ბავშვებს უყვართ მამიკოების ჩახუტება. დარწმუნებული ვარ, რომ მამაკაცებს ჩანერგილი გაქვთ ბავშვის დამამშვიდებელი რაღაც მექანიზმი. თქვენ ხართ თბილები, მშვიდები, საუბრობთ დაბალი ტონალობით და შეგიძლიათ საათობით ისხდეთ და უყუროთ რომელიმე სპორტულ შეჯიბრს. დატკბით იმით, რომ თქვენ გაქვთ ნიჭი, რაც არ აქვთ დედებს – კომფორტულად მოკალათების ფაქტორი. ბავშვები ხშირად ეძებენ დედას საგანგებო სიტუაციებში (არ აქვს მნიშვნელობა, რამდენად ტრივიალურია), მაგრამ თუ თქვენ ამისთვის მზად ხართ, ისინი თქვენს ძებნას დაიწყებენ კომფორტის, ჩახუტებისა და უსაფრთხოებისთვის. იღბლიანები ხართ!
3. მიუხედავად იმისა, რომ დედას შეუძლია ყველაფერი კონტროლის ქვეშ ჰქონდეს, თქვენ აუცილებლად უნდა იყოთ ყველაფრის საქმის კურსში. გაიგეთ, რა დისციპლინური ზომები იქნა მიღებული თქვენი არყოფნის დროს და რატომ. უკიდურესად მნიშვნელოვანია, რომ თქვენ და დედა ერთად, სინქრონულად მონაწილეობდეთ ბავშვის აღზრდაში. თქვენ უნდა იცოდეთ რა მოხდა დღის მანძილზე, კარგი და ცუდი, რომ მომავალში პასუხისმგებლობა იყოს თანაბრად განაწილებული. ბავშვებმა იციან, რომ არ ხართ ინფორმირებულები და ამას იყენებენ თავისი ინტერესებისთვის. შეგიძლიათ ამაში დარწმუნებული იყოთ. ასე რომ, თუ არ გითხრეს რა მოხდა, გთხოვთ, იკითხეთ. თქვენი კომპეტენტურობა ამაზეა დამოკიდებული.
4. თქვენი სიტყვები იმაზე მეტს ნიშნავს, ვიდრე ოდესმე თქვენ წარმოიდგენდით. მამები, როგორც წესი, ვერ აცნობიერებენ, რამდენად მნიშვნელოვანები არიან. თქვენ შეიძლება არ გაქვთ ბავშვებთან ურთიერთობის დიდი გამოცდილება, როგორც დედებს, მაგრამ თქვენი დამშვიდების, მხარდაჭერის, სიყვარულის და სიამაყის სიტყვები სამუდამოდ დარჩება თქვენს შვილთან. ფრთხილად და გულდასმით შეარჩიეთ სიტყვები, რადგან ისინი ატარებენ თვითშეფასების ამაღლების ელემენტებს, რისკენაც შვილები ზრდასთან ერთად მიისწრაფვიან. არ ღირს არ დააფასოთ თქვენი სიტყვების ძალა. რასაც თქვენ ამბობთ, მნიშვნელოვანია.
5. თამაში. თქვენ ბევრს მუშაობთ, ამიტომ, როცა ბავშვთან ერთად ხართ, ითამაშეთ. იყავით ფხიზლად, გაითვალისწინეთ უსაფრთხოება, შეარჩიეთ ასაკის შესაბამისი აქტივობები, მთავარია ითამაშოთ. ბავშვებთან ურთიერთობის ეს საუკეთესო საშუალებაა, რადგან ეს გაიგივებთ თქვენ, ყოველ შემთხვევაში რაღაც დროის მანძილზე, იმასთან, თუ როგორ თამაშობთ. ბავშვები თამაშის დროს „თავდაცვას ასუსტებენ“ და თქვენ შეგიძლიათ დააკვირდეთ როგორ რეაგირებს ის თქვენს თამაშზე. მამები, როგორც წესი, კარგი მსმენელები არიან, ამიტომ, თამაშის დროს თუ შეამჩნევთ, რომ ბავშვი იწყებს გახსნას, უბრალოდ უსმინეთ. არ არის საჭირო რჩევა-დარიგება. უმჯობესია, თუ ამას არ გააკეთებთ. დროდადრო შეგიძლიათ ჰკითხოთ, სჭირდება თუ არა დახმარება ამ ვითარებაში. თამაში აღებს გართობის კარს, მაგრამ, ამავდროულად, აჩვენებს თქვენს შვილს, რომ თქვენ მზად ხართ იქ იყოთ მისთვის.
6. გამორთეთ. არ აქვს მნიშვნელობა რა არის ეს, გამორთეთ რაღაც დროით. ეს თქვენი ტელეფონია, აიპედი, ნოუთბუქი, ტელევიზორი, სათამაშო კონსოლი თუ სხვა ნებისმიერი ციფრული ტექნიკა, გამორთეთ. გარკვეული დრო გაატარეთ შვილთან ერთად ისეთი რამეების კეთებაში, რაც ადრე არასდროს გიცდიათ. თუ უკმაყოფილების ნიშნად თვალების გადატრიალებას შეამჩნევთ, დააიგნორეთ. ზოგიერთ ბავშვს არასდროს სურს ახლის მოსინჯვა, ასე რომ, თქვენ უნდა გაამხნევოთ ისინი. ბავშვებს მოსწონთ ახალი ნივთების შექმნა-შენება, სიმართლე რომ გითხრათ, თქვენც. აიღეთ რამდენიმე ბლოკი, ლეგოს ფიგურები, ან თუნდაც უბრალოდ ქვები და ჯოხები. ააშენეთ/შექმენით რაიმე თქვენს შვილთან ერთად და დაანახეთ მას, რომ სამყარო იმაზე მეტია, ვიდრე თანამედროვე ტექნოლოგიები. ზოგჯერ შეანელეთ სამყარო და ანახეთ თქვენს შვილს ცხოვრების სხვა გზა. შეიძლება აღმოაჩინოთ, რომ ეს თქვენც მოგწონთ.
7. მოაწყვეთ ნიშა. როგორც წესი, მამებს არ აქვთ საშუალება გაატარონ შვილებთან იმდენი დრო, რამდენიც დედებს. ამიტომ, მათი დრო ძვირფასია. რომ გახდეთ სუპერ მამა, თქვენ შეგიძლიათ ცოტათი განსხვავებულად გააკეთოთ რაღაცეები, ვიდრე დანარჩენები აკეთებენ. ამის გაკეთების ერთ-ერთი საუკეთესო გზაა ტრადიციის შექმნა. ნუ დახარჯავთ ბევრ ფულს, არ გაანებივროთ ის არაჯანსაღი საკვებით, მაგრამ იფიქრეთ როგორ შეგიძლიათ მიანიჭოთ აზრი იმ ძვირფას დროს, რომელსაც თქვენს შვილთან ერთად ატარებთ. თქვენ გაქვთ რაღაც, რაც შეგიძლიათ შესთავაზოთ, რომელიც განსხვავდება იმისგან, რასაც სხვები სთავაზობენ. თქვენს შვილს ყავს მხოლოდ ერთი მამა და ის თქვენ ხართ. თქვენ გაქვთ შესაძლებლობა იყოთ განსაკუთრებული თქვენი შვილისთვის, ასე რომ, აუცილებლად გადადგით ნაბიჯი წინ და სცადეთ.
8. იყავით იმაზე მეტი, ვიდრე უბრალოდ „ბანკი“. მამები ხშირად წარმოჩნდებიან ისეთად, რომელიც ფულს გასცემს. როგორც მამას, შენ მოგთხოვენ ფულს. ეს იწყება შემდეგი სიტყვებით: „შეიძლება ჯიბის ფული, მამა?“ და ეს გაგრძელდება დიდი ხნის მანძილზე, წლობით. თუ შეგიძლიათ გასცეთ, გთხოვთ, თავი არ შეიკავოთ. მაგრამ იყოთ უბრალოდ ფულის გამავრცელებელი, არაფერს არ ასწავლის თქვენს შვილს. თუ თქვენი შვილი ფულს გთხოვთ, დაუსვით რამდენიმე კითხვა. არ თქვათ „არა“, მაგრამ ნუ იტყვით „კის“ მყისიერად. გაიგეთ ფულის გამოყენების საჭიროების შესახებ. გამონახეთ დრო, რომ განიხილოთ არჩევანის გაკეთების შედეგები. გთხოვთ, რასაც არ უნდა აკეთებდეთ, არ გასცეთ ფული მხოლოდ იმიტომ, რომ შეწყვიტოთ „გთხოვ, მამა, გთხოვ, მამა, გეხვეწები, კარგი რა, მამა“. თქვენ მეტი ხართ, ვიდრე ბანკი, თქვენ გეკისრებათ პასუხისმგებლობა ბავშვს ასწავლოთ ფულის მნიშვნელობა. სახლში ისაუბრეთ იმის შესახებ, როგორ შეიძლება ფულის გამომუშავება კონკრეტული დავალებების შესრულებით. დაუყოვნებლივ გადაიხადეთ, როცა სახლის სამუშაოები დამაკმაყოფილებლად არის შესრულებული (აუცილებლად გადაამოწმეთ), რასაც არ უნდა აკეთებდეთ, ნუ გადადებთ ანგარიშსწორებას.
9. როდესაც დრო დგება, დაადგინოთ ნებისმიერი სახის საზღვრები, ნუ აიძულებთ დედას, გააკეთოს ეს მარტომ. დედას სჭირდება შენი მხარდაჭერა. ერთად შეადგინეთ სისტემა და არავითარ შემთხვევაში არ დაარღვიოთ ეს. თქვენს შვილს სჭირდებით, რომ იყოს მყარი, მშვიდი და ურყევი. თქვენს შვილს უნდა რომ გაფასებდეთ და პატივს გცემდეთ. დაანახეთ მას ადამიანი, რომელიც ღირსია პატივისცემის.
10. თუ შეცდომა დაუშვით, აღიარეთ. ნუ მოაჩვენებთ თავს სუპერგმირად. ყველა მშობელი უშვებს შეცდომას და ეს თქვენ არ შეურაცხგყოფთ, თუ ამას აღიარებთ. მოკლედ აუხსენით თქვენს შვილს შეცდომა, რომელიც დაუშვით აღზრდის დროს და შემდეგ აუხსენით, თუ როგორ უნდა გამოსწორდეს სიტუაცია. თქვით, რომ ყველა უშვებს შეცდომას და თქვენც მათ შორის, თქვით, რომ შეწუხებული ხართ, თქვენთვის ეს გაკვეთილია და ყველაფერს გააკეთებთ, რომ ეს აღარ განმეორდეს. თქვენი შვილი თქვენს შეცდომებს არ ითვლის. ის მხოლოდ თვალყურს ადევნებს იმ დროს, როცა მასთან ხართ, რომ გადაეხვიოთ, აუმაღლოთ მოტივაცია, განწყობა და ცრემლი მოწმინდოთ.

ყველა მშობელს სჭირდება პრაქტიკა, რომ უკეთ აღზარდოს. მიეცით თქვენს თავს მეტი პრაქტიკის შანსი და თუ რაიმეს არასწორად აკეთებთ, თქვენი შვილი შეგატყობინებთ ამის შესახებ, მიუხედავად ასაკისა. გუნდურად მუშაობის სწავლისთვის თქვენ და თქვენმა შვილმა უნდა ეცადოთ. შენ გაქვს ამის ნიჭი, გპირდები. ახლა კი იმოქმედე, მამა!