რა არის ლაქტოზის აუტანლობა?

ლაქტოზის აუტანლობა ხდება იმ შემთხვევაში, როდესაც ორგანიზმს არ შეუძლია შაქრის  – ლაქტოზის მონელება.

ლაქტოზა წარმოდგენილია როგორც დედის რძეში, ასევე ჩვეულებრივ რძეში და რძის პროდუქტებში. ლაქტოზა შეადგენს დედის რძის და ფორმულის 7%-ს.

ნორმაში, ენზიმი – ლაქტაზა წარმოიქმნება წვრილ ნაწლავში. ის გარდაქმნის ლაქტოზას გლუკოზად და გალაქტოზად – შაქრის სახეობებად, რომელთა შეწოვაც გაცილებით მარტივია. თუმცა, ზოგჯერ ბავშვის ორგანიზმი ვერ გამოყოფს საკმარისი რაოდენობით ლაქტაზას და ვერ ხდება ლაქტოზის სრულყოფილად დაშლა. შესაბამისად, ის ლაქტოზა რომლის შეწოვაც ვერ მოხდა, გაივლის ნაწლავს დაუშლელი ანუ გადაუმუშავებელი ფორმით. შემდგომ, ბაქტერია იკვებება ამ მოუნელებელი ლაქტოზით, რის შედეგადაც ხდება გაზების დაგროვება. შედეგად ვიღებთ სიმპტომებს: შებერილობა და ფაღარათი

გამომწვევი მიზეზები:

• პირველადი ლაქტოზის აუტანლობა – ბავშვს არ გააჩნია ლაქტაზა დაბადებიდანვე. ძალიან იშვიათია.
• მეორადი ლაქტოზის აუტანლობა – როდესაც ბავშვის კუჭ-ნაწლავი გაღიზიანებულია გასტროენტერიტით. ასევე, როდესაც ბავშვის ორგანიზმს გააჩნია ენზიმი ლაქტაზა, ოღონდ შედარებით მცირე რაოდენობით.

სიმპტომები:

• შებერილობა
• მუცლის ტკივილი და შეშუპება
• წონაში მატება ვერ ხერხდება
• დიარეა (ფაღარათი)

დიაგნოზი:

რადგან კვებითი ალერგიის და ლაქტოზის აუტანლობის სიმტომები ერთმანეთს ძალიან ჰგავს, გამოიყენება შემდეგი ტესტები:

1. წყალბადის სუნთქვითი ტესტი – ლაქტოზის აუტანლობის მქონე ბავშვებს აქვთ უფრო დიდი რაოდენობით წყალბადი ამოსუნთქულ ჰაერში
2. ელიმინაციის დიეტა – დროებით აღარ ვაძლევთ ბავშვს ლაქტოზის შემცველ პროდუქტებს. თუ მდგომარეობა გაუმჯობესდა, ისევ ვაძლევთ ამ საკვებს. თუ სიმპტომები ისევ წამოვიდა, დიდი ალბათობით მიზეზი არის ლაქტოზის აუტანლობა

მკურნალობა:

გამომწვევი მიზეზის მიხედვით მკურნალობა სხვადასხვაგვარია, ამიტომ უმჯობესია მიმართოთ ექიმს.