კვებითი ალერგიები – რა უნდა ვიცოდეთ?

რა არის კვებითი ალერგია?

კვებითი ალერგია – ეს არის მდგომარეობა, როდესაც იმუნური სისტემის პასუხი არის გადაჭარბებული, კონკრეტულ საკვებში არსებული ნორმალური ცილის მიმართ. როდესაც ალერგიული ბავშვი მიირთმევს საკვებს, რომელიც იწვევს ალერგიას, მისი ორგანიზმი გამოიმუშავებს ანტისხეულებს და სხვა ნივთერებებს, რომლებიც იწვევენ იმუნური სისტემის ამოქმედებას.

რომელი საკვები იწვევს კვებით ალერგიას?

ნებისმიერმა საკვებმა შეიძლება გამოიწვიოს ალერგია, თუმცა ყველაზე ხშირი მათ შორის არის:

• კვერცხი
• ძროხის რძე
• მიწის თხილი
• ხორბალი
• სოიო
• თევზი (მაგ.ორაგული)
• მოლუსკები

კვებითი ალერგიის სიმპტომები

სიმპტომები შესაძლებელია გამოვლინდეს რამდენიმე წუთის ან საათის მერე:

• ჭინჭრის ციება (ორგანიზმის ალერგიული რეაქცია, რომელიც კანზე პატარა ლაქებისა და მოზრდილი ბუშტუკების სახით გამოიხატება)
• წითელი ლაქები, რომელსაც თან ახლავს ქავილის შეგძნება
• ეგზემა
• შესიება

შესაძლებელია გამოვლინდეს კუჭ-ნაწლავისმიერი სიმპტომებიც:

• მუცლის ტკივილი
• ღებინება
• დიარეა (ფაღარათი)

რაც შეეხება მწვავე ალერგიულ რეაქციას, მას შეუძლია გამოიწვიოს ხმაურიანი სუნთქვა, სახის შესიება (მათ შრის ტუჩი და ენაც) და სუნთქვის გაძნელება.

ბავშვების უმეტესობა გადალახავს კვებით ალერგიას 5 წლის ასაკისთვის, თუმცა შესაძლებელია გარკვეული ტიპის ალერგია მთელი ცხოვრება გაგრძელდეს.

კვებითი ალერგიის მკურნალობა

მკურნალობა არის – იმ პროდუქტების მკაცრი შეზღუდვა, რომლებიც იწვევენ ალერგიას! თუ მოხდა რაიმე გაუთვალისწინებელი შემთხვევა, მსუბუქი ალერგიის დროს შესაძლებელია პატარას მივცეთ ანტიჰისტამინური პრეპარატი. ასევე, ექიმი აუცილებლად გაგაფრთხილებთ წინასწარ, რომ თან იქონიოთ საინექციო ეპინეფრინი, იმ შემთხვევისთვის თუ ალერგია გამწვავდა და ბავშვს გაუჭირდა სუნთქვა.