რა არის კოქსაკივირუსის ინფექცია?

კოქსაკივირუსი არის ენტეროვირუსების ჯგუფის ერთ-ერთი წარმომადგენელი, რომელიც ბინადრობს ადამიანის კუჭ-ნაწლავის სისტემაში.

ვირუსი ვრცელდება ადამიანიდან ადამიანზე დაუბანელი ხელების, დაბინძურებული ზედაპირების მეშვეობით.

უმეტესობა შემთხვევებში,  კოქსაკივირუსი იწვევს გაციებისთვის დამახასიათებელ მსუბუქ სიმპტომებს და ქრება მკურნალობის გარეშე, თუმცა, ზოგიერთ შემთხვევაში შესაძლებელია გამოიწვიოს შედარებით სერიოზული ინფექცია.

რას იწვევს კოქსაკივირუსი?

• ხელის, ფეხის და პირის დაავადება – კოქსაკივირუსის სინდრომის ერთერთი სახეობა. ყელში წარმოიქმნება მტკივნეული , წითელი ბებერა (სხვადასხვა ფორმისა და სიდიდის ბალიშისმაგვარი მომკვრივო წარმონაქმნი კანზე). ასევე, გვხვდება ენაზე, ღრძილებზე,ლოყების შიგნით, ხელისგულების და ფეხისგულების ზედაპირზე.
• ჰერპანგინა – ყელის ინფექია. წარმოიქმნება წითელი,მრგვალი ფორმის ბებერა და წყლულები გლანდებზე და სასაზე.

ორივე შემთხვევა შესაძლოა დაიწყოს სიცხით, ყელის ტკივილით და უბრალო დისკომფორტით მანამ, სანამ წითელი ლაქები გამოჩნდება. ბავშები კარგავენ მადას, არიან გაღიზიანებულები. შედარებით მოზრდილი ბავშვები უჩივიან თავის ტკივილს, ყელის ტკივილს და ენერგიის დაკარგვას.

როგორ ვრცელდება კოქსაკივირუსი?

ყველაზე მეტად ეს ვირუსი თავს იჩენს ზაფხულში და ადრეულ შემოდგომაზე. მისი ნახვა შესაძლებელია ნერწყვში და განავლოვან მასაში. ყველაზე გადამდები არის – დაავადების პირველი კვირა. ინკუბაციური პერიოდი (პერიოდი ვირუსის შეყრიდან სიმპტომების გამოვლინებამდე) არის 3-6 დღე. მიუხედავად იმისა, რომ ამ დროს სიმპტომები არ არის, ვირუსი მაინც გადამდებია.

ვირუსი ვრცელდება ადამიანიდან ადამიანზე პატარა წვეთებით, რომელიც გამოიყოფა დაცემინების და ხველების დროს. ასევე, ის შესაძლებელია გადარჩეს და დასახლდეს ზედაპირებზე, სხვადასხვა საგნებზე და აქედან გავრცელდეს ადამიანზე.

კოქსაკივირუსის მკურნალობა

გააჩნია ინფექციის რომელი სახეობას და სიმპტომებს, ექიმი დაგინიშნავთ ისეთ წამლებს, რომლებიც ბავშვს მოუხსნიან დისკომფორტს. ამ შემთხვევაში ანტიბიოტიკი არ გამოიყენება!! რადგან ანტიბიოტიკი არ არის ეფექტური ვირუსის წინააღმდეგ.

შეგიძლიათ მისცეთ თქვენს პატარას აცეტამინოფენი ( იგივე პარაცეტამოლი) ან იბუპროფენი, ტკივილების შესამცირებლად.

ასევე, აუცილებელია დატვირთოთ ის სითხით, რათა თავიდან აიცილოთ დეჰიდრატაცია. ძირითადად, ვირუსი რამდენიმე დღეში თავისით ალაგდება. ყველა შემთხვევაში აუცილებელია ექიმთან ვიზიტი.