როგორ მოვუაროთ ბავშვის კბილებს და ღრძილებს?

ბავშვის კბილი შეიძლება ამოვიდეს ნებისმიერი თანმიმდევრობით. ძირითადად, ყველა კბილი არის ამოსული 3 წლის ასაკისთვის. დაიწყეთ მათი წმენდა, როგორც კი ისინი იჩენენ თავს. გამოიყენეთ სუფთა, სველი სახის დასაბანი ნაჭერი, ან სპეციალური ნაჭერი ( იხილეთ აქ ). მისი საშუალებით გაუსუფთავეთ პატარას ღრძილები, ასევე, კბილის წინა და უკანა ზედაპირები.

32 კბილი, რომელიც გვხვდება მოზრდილ ადამიანებში ნელნელა ჩაანაცვლებს ბავშვის კბილებს 6-დან 20 წლის ასაკამდე. თვალყური ადევნეთ და დაეხმარეთ ბავშვს კბილების გასუფთავებაში 8 წლის ასაკამდე. გაუხეხეთ კბილები და ღრძილები დღეში ორჯერ, დილა-საღამოს.

არ გამოიყენოთ კბილის პასტა 18 თვემდე. 18 თვიდან 6 წლამდე გამოიყენეთ წვეთისოდენა რაოდენობის კბილის პასტა, რომელშიც ფლუორიდის შემცველობა არის დაბალი. 6 წლიდან გამოიყენეთ წვეთისოდენა რაოდენობის კბილის სტანდარტული ფლუორიდის შემცველობის პასტა. გამოიყენეთ ბავშვისთვის განკუთვნილი რბილი კბილის ჯაგრისი.

დადექით თქვენი პატარას უკან  კარგად განათებულ სივრცეში, იდეალურ შემთხვევაში სარკის წინ. ამ გზით ბავშვს ექნება შესაძლებლობა დაინახოს რას აკეთებთ.

გამოიყენეთ თქვენი ხელი რომ დაიჭიროთ თქვენი პატარას ნიკაპი. სთხოვეთ რომ გააღოს პირი და თქვას  ასო ,,ა”. შეამოწმეთ ხომ არ აქვს კარიესის ნიშნები: თეთრი ან ყავისფერი ზოლები კბილზე ღრძილთან ახლოს.