იმუნიტეტის გაძლიერების ბუნებრივი გზები

გაციებას და გრიპს ვერ გავექცევით, თუმცა არსებობს გზები თქვენი პატარას ავადმყოფობის ხანგძლივობის შესამცირებლად.

1. აჭამეთ მეტი ბოსტნეული და ხილი: სტაფილო, მწვანე ლობიო, ფორთოხალი, მარწყვი. ეს ყველაფერი შეიცავს ფიტონუტრიენტებს, ვიტამინ ც-ს და კარეტენიოდებს. ფიტონუტრიენტები ორგანიზმს ეხმარება თეთრი სისხლის უჯდების და ინტერფერონის წარმოებაში. თეთრი უჯრედები ინფექციებს ებრძვის, ინტერფერონი კი ანტისხეულია, რომელიც უჯრედებს გარედან ეკვრის და ვირუსებს ბლოკირებას უკეთებს. დაიმახსოვრეთ ოქროს წესი: 5 პორცია ხილი და ბოსტნეული დღეში. 1-3 წლამდე ბავშვებისთვის 1 პორცია იგივეა, რაც 2 სუფრის კოვზი და უფრო დიდი ასაკის ბავშვებისთვის 1 პორციის საზომად შეგიძლიათ ერთი 1 ჩაის ჭიქა აიღოთ.
2. ბავშვმა კარგად უნდა იძინოს. ზრდასრულებში უძილობა ასუსტებს ორგანიზმს და ვირუსების მსხერპლი უფრო ადვილად ხდება. იგივეა ბავშვებში. ძილი უფრო პრობლემურია იმ ბავშვებისთვის, რომლებსაც ბაღში არ აძინებენ. ახალშობილებს სჭირდებათ 18 საათი დღეში, 1-3 წლამდე ბავშვებს კი – 12-13 საათამდე, 3-6 წლამდე- 10 საათი. თუ ბავშვს შუა დღეს ვერ აძინებთ, ღამე უფრო ადრე დააწვინეთ.
3. ახალშობილი გყავდეთ ბუნებრივ კვებაზე. ბებიებისგან ყველას გაგვიგია, რომ ბავშვს დედის იმუნიტეტი გადაეცემა. ეს მართლა ასეა, ძუძუს ჭმევა ამცირებს ყურის ინფექციებს, ალერგიებს, კუჭის აშლილობას, მენინგიტის და მრავალ სხვა დაავადების განვითარების შანსს. უახლოესი კვლევების მიხედით, ძუძუს ჭმევა ბავშვის ტვინის განვითარებასაც ეხმარება. შეეცადეთ, რომ ბავშვს აჭამოთ ძუძუ 1 წელი. თუ ეს თვენთვის არაპრაქტიკულია, 3 თვე მაინც ყველანაირად შეეცადეთ.
4. ივარჯიშეთ მთელმა ოჯახმა. ვარჯიში თითქმის ყველაფრის მკურნალია, მათ შორის ვირუსებთან ბრძოლაშიც ეხმარება ორგანიზსმს. კარგია, თუ ბავშვებს პატარაობიდანვე შეაჩვევთ სპორტულ ცხოვრებას. ბავშვების გარეთ გასვლა არ არის საკმარისი, გადით ერთად და ივარჯიშეთ, როგორც ოჯახმა. ისეირნეთ ველოსიპედით, ითამაშეთ კალათბურთი, ფეხბურთი ან სულაც გაიხსენეთ ახალგაზრდობა და წრეში ბურთით გამხიარულდით.
5. ვებრძოლოთ ბაცილებს. ბაცილებთან ბრძოლა პირდაპირ კავშირში არ არის იმუნიტეტის გაძლიერებასთან, თუმცა, ბაცილებთან კონტაქტი ამცირებს იმუნიტეტზე სტრესს. ხელები საპნით ხშირად დააბანინეთ თქვენს პატარას. განსაკუთრებით ყურადღება მიაქციეთ ჰიგიენას ცხოველებთან თამაშის, ტუალეტის გამოყენების და ცხვირის მოხოცვის დროს. ერთი საინტერესო ფაქტი ჰიგიენასთან დაკავშირებით, რაც ალბათ ბევრმა არ იცის –  თუ ბავშვი ავად გახდება, გადააგდეთ მისი კბილის ჯაგრისი. ბავშვს იგივე ვირუსი ორჯერ არ შეხვდება, მაგრამ ოჯახის სხვა წევრები უფრო დაცულები იქნებიან. ბაქტერიული ინფექციის შემთხვევაში, შეიძლება მეორეჯერ ინფექცირება.
6. აკრძალეთ სიგარეტი ბავშვთან. თუ თქვენ ან თქვენი მეუღლე სიგარეტს ეწევით, შეწყვიტეთ. სიგარეტის ბოლი 4,000-ზე მეტ ტოქსინს შეიცავს, რაც აღიზიანებს და კლავს უჯრედებს. ბავშვები განსაკუთრებით მგრძნობიარეები არიან სიგარეტის ბოლის მიმართ, რადგან ისინი უფრო ხშირად სუნთქავენ და ბავშვის ბუნებრივი დიოქსიკაციის სისტემა ნაკლებად განვითარებულია. ავადმყოფობის გარდა, ბავშვის ტვინის და ნევროლოგიურ განვითარებას აფერხებს. თუ არ შეგიძლიათ სიგარეტის გადაგდება, გარეთ მოწიეთ, ბავშვისგან შორს.
7. ანტიბიოტიკები. ეს მძიმე თემაა ყველგან, განსაკუთრებით საქართველოში. კარგად დაიმახსოვრეთ, ანტიბიოტიკები შველის მხოლოდ იმ დაავადებებს, რომლებიც ბაქტერიით არის გამოწვეული, საბავშვო გრიპების უმეტესობა კი ვირუსისგან არის გამოწვეული. უამრავი კვლევები (ჩვენთანაც და დასავლეთშიც) აჩვენებს, რომ ანტიბიოტიკებს პედიატრები მშობლების თხოვნით წერენ და არა სამედიცინო მიზეზებით, მშობლები კი ფიქრობენ, რომ ბავშვს ცუდს არაფერს უზამს არამიზნობრივად გამოწერილი ანტიბიოტიკი (რაც სიცრუეა!).