როგორ დავიცვათ ახალშობილი ჰერპესის ვირუსისგან?

2017 წელს სამედიცინო ჟურნალში ,,The Lancet Global Health’’ გამოქვეყნდა კვლევა, რომლის მიხედვითაც დადგინდა, რომ ჰერპესით დაინფიცირებული ახალშობილების 85%-მა ვირუსი მიიღო დედისგან, მშობიარობის დროს.

ხშირია შემთხვევები როდესაც ქალს აქვს ჰერპესვირუსი, მაგრამ თავად არ იცის ამის შესახებ, რადგან სიმპტომები არის ძალიან მსუბუქი. შესაძლებელია დაზიანების ჩამოყალიბებამდე, ვირუსი დიდი ხნის განმავლობაში იყოს არააქტიური. ჰერპესვირუსისთვის (იგივე HSV) დამახასიათებელია ემოციური ან ფიზიკური სტრესის ფონზე გააქტიურება. ასევე, შესაძლებელია ქალბატონს ისეთი ფორმით ჰქონდეს ჰერპესვირუსი, რომ კანზე არც გამოუვლინდეს. ამ შემთხვევაში მან თავადაც არ იცის, რომ ვირუსს ავრცელებს.

ტუჩის ჰერპესის შემთხვევაში დაინფიცირება ხდება დაინფიცირებული პაციენტის დაზიანებასთან/მის ლორწოვან გარსებთან ახლო კონტაქტით: პირი, თვალები. დაინფიცირება ხდება მაშინაც, როდესაც ადამიანი ვისაც ტუჩზე აქვს ჰერპესი კოცნის, ეფერება ბავშვს.

ჰერპესის სიმპტომები და რისკები ახალშობილებში

ჰერპესის სიმპტომები ჩვილებში ხშირად არის გაურკვეველი. ესენია: სუნთქვის გაძნელება, სისხლდენა რომელიც ძალიან მარტივად იწყება, ცუდი კვება. თუ ჰერპესისთვის დამახასიათებელი დაზიანება ჩნდება ახალშობილში, ის შესაძლებელია იყოს ნებისმიერ ადგილას. თუმცა, ყველაზე ხშირად ჩნდება იქ, სადაც ბავშვის კანი დაზიანდა: თავზე ან ჭიპლართან.

რა უნდა გააკეთოს მშობელმა ბავშვის ჰერპესისგან დასაცავად?

თუ ორსულობისას გაგიჩნდათ წყლული ან ნებისმიერი სახის დაზიანება გენიტალიებზე, აუცილებლად აცნობეთ ექიმს. შესაძლოა ეს იყოს ისეთი მარტივი რამ, როგორიცაა – დაინფიცირებული თმის ფოლიკული, ან უფრო სერიოზული რამ, როგორიცაა – ჰერპესი.

როგორ დაიცავს პედიატრი და მეანი ბავშვს ჰერპესისგან?

საშვილოსნოს ყელის დათვალიერების შემდგომ, თუ მეან-გინეკოლოგმა ნახა დაზიანება და არ მოეწონა/საეჭვოდ ჩათვალა ის, დიდი ალბათობით ექიმი გირჩევთ საკეისრო კვეთის გაკეთებას, რადგან ამ გზით თავიდან აირიდებთ ბავშვის კონტაქტს იმ დაზიანებებთან, რომელთანაც მას აუცილებლად ექნებოდა კონტაქტი ბუნებრივი გზით მშობიარობის შემთხვევაში.

თუ ორსულ ქალბატონს ჰერპესვირუსი დაეწყო დააახლოებით 36-ე კვირაში, ექიმი მას  დაუნიშნავს ანტივირუსულ წამალს, როგორიცაა – აციკლოვირი.

მშობიარობის შემდგომ, პედიატრმა შეიძლება შეუკეთოს დამატებითი კვლევა ახალშობილისთვის. თუ ახალშობილი არის HSV-ინფექციის მაღალი რისკის წინაშე, კონკრეტული სისხლის ანალიზით ეს გამოჩდება. თუმცა, მნიშვნელოვანია ისიც, რომ პასუხის მოსვლამდე ახალშობილს მაინც უტარდება ანტივირუსული მკურნალობა, რათქმაუნდა თუ ის იმყოფება მაღალი რისკის ქვეშ.