ჰემანგიომა ახალშობილებში

ჰემანგიომა არის ჩვილებში ერთ-ერთი ყველაზე გავრცელებული კეთილთვისებიანი წარმონარქმნი, რომელიც წარმოიქმნება სისხლძარღვების ენდოთელური უჯრედების ზრდის შედეგად. იგი ხშირ შემთხვევაში გამოხატულია ვარდისფერი ლაქის სახით, სახის, თავისა და ზურგის მიდამოში. ჰემანგიომის არსებობა საკმაოდ ხშირია, განსაკუთრებით თეთრკანიან ბავშვებში. იგი დაახლოებით ახალშობილთა 5-10%-ში გვხვდება.

ჰემანგიომა უფრო ხშირია:

• გოგონებში
• დღენაკლულებში
• მცირე წონით დაბადებულ ბავშვებში

 ახალშობილთა ჰემნგიომის ტიპებია:

• ზედაპირული ჰემანგიომა: ჰემანგიომის ყველაზე გავრცელებული ფორმაა, ახასიათებს ვარდისფერი შეფერილობა. შესაძლოა იყოს როგორც მცირე, ისე დიდ მანძილზე გაშლილი.

• ღრმა ჰემანგიომა: ახასიათებს სისხლჩაქცევის მსგავსი შეფერილობა. დიაგნოსტირება ხდება დაახლოებით 2-4 თვის ასაკში, როდესაც შეშუპება შესამჩნევი ხდება.

• შერეული ფორმის ჰემანგიომა

ჰემანგიომა, უმეტესად ზედაპირული ტიპისაა და უსაფრთხოა. იგი უკვალოდ ქრება 9 წლის ასაკამდე. თუმცა მშობელმა მაინც ყურადღება უნდა მიაქციოს, რათა არ დაიწყოს ზრდა, გამუქება, ფორმის შეცვლა ან არ გახდეს სისხლმდენი.

როდისაა ჰემანგიომა საშიში და როდის მივმართოთ ექიმს?

• როდესაც სხეულზე გამოხატულია რამდენიმე ჰემანგიომა. 5 ან მეტი ჰემანგიომის არსებობისას იზრდება რისკი, რომ მოხდება მისი შინაგან ორგანოში ჩაზრდა. მრავლობით ჰემანგიომას შეუძლია ღვიძლის დაზიანება გამოიწვიოს.
• როდესაც ჰემანგიომა ძალიან დიდი ზომისაა და კომბინირებულია სხვა პათოლოგიასთან (ფეისის სინდრომი)
• როდესაც ჰემანგიომა სასუნთქ გზებში მდებარეობს

სასუნთ გზებში არსებუი ჰემანგიომის ზომაში ზრდამ, შესაძლოა სასუნთქი გზის დახშობა და სუნთვის გართულება გამოიწვიოს.