გლანდები ბავშვებში

რა არის ტონზილიტიდა რა იწვევს მას?

ტონზილიტი არის ვირუსით ან ბაქტერიით გამოწვეული ტონზილების ანთება. ტონზილები, იგივე ნუშურა ჯირკვლები/გლანდები არის – ყელის უკანა ნაწილში მდებარე ქსოვილის გროვები, რომლებიც ეხმარებიან იმუნურ სისტემას ორგანიზმის დაცვაში სხვადასხვა ინფექციების წინააღმდეგ.

ტონზილიტის გამომწვევი მიზეზებიდან ყველაზე ხშირია ვირუსები, თუმცა ბაქტერიული ინფექციაც შეიძლება იყოს გამომწვევი. ყველაზე ხშირი ბაქტერია არის სტრეპტოკოკი პიოგენესი – A ჯგუფის ბეტა-ჰემოლიზური სტრეპტოკოკი

ტონზილიტის სიმპტომები:

დაინფიცირებული ტონზილები ხდება დიდი და წითელი. ის გარედან იკეთებს ყვითელ ან თეთრ გარსს. ტონზილიტიან ბავშვს შესაძლებელია აღენიშნებოდეს:

• ყელის ტკივილი
• სიცხე 38 ან მეტი
• ყლაპვის გაძნელება
• დაღლილობის შეგრძნება
• ხველა
• თავის ტკივილი

როგორ ხდება ტონზილიტის დიაგნოსტიკა?

სიმტომებიდან გამომდინარე ექიმი ჩახედავს ბაშვს ყელში სპეციალური ინსტრუმენტით, ასევე, გაუსინჯავს ლიმფურ ჯირკვლებს კისრის არეში და ა.შ.

ტესტი, რომელიც გამოიყენება ტონზილიტის დროს არის ყელიდან ნაცხის აღება. ამ ანალიზს უწოდებენ ანტისტრეპტოლიზინს – ASLO. ანტისტრეპტოლიზინი არის A ჯგუფის ბეტა-ჰემოლიზური სტრეპტოკოკის სტრეპტოლიზინის მიმართ გამომუშავებული ანტისხეული. წარმოადგენს მწვავე სტრეპტოკოკული ინფექციის მარკერს. მისი დონის მომატება აღინიშნება დაავადების დაწყებიდან ერთი კვირის შემდეგ, აღწევს პიკს 3-5 კვირაში და ქვეითდება 6-12 თვის შემდეგ. რადგან ერთჯერად გამოკვლევას აქვს დაბალი ინფორმაციული მნიშვნელობა, რეკომენდირებულია გამოკვლევის ჩატარება 1 კვირაში

როგორ მკურნალობენ ტონზილიტს?

თუ ანტისტრეპტოლიზინის ტესტი არის დადებითი, საჭირო იქნება ანტიბიოტიკების დანიშვნა ბაქტერიის მოსაკლავად. თუ პასუხი არის უარყოფითი, გამომწვევი არის ვირუსი და ორგანიზმი მას თავად შეებრძლება. ზოგჯერ, შესაძლებელია ექიმმა გირჩიოთ ტონზილექტომია ანუ ტონზილების/გლანდების ამოჭრა. ამას ურჩევენ იმ შემთხვევაში, თუ ტონზილები არის ძალიან დაინფიცირებული ან იმდენად დიდი, რომ ხელს უშლის ბავშვის სუნთქვას. ამ შემთხვევაში აუცილებელია ოპერაციის ჩატარება.