რა უნდა გავითვალისწინოთ ცენტრალური გათბობის დაყენებისას?

გათბობის სისტემის არჩევა მნიშვნელოვანი გადაწყვეტილებაა, რადგან იგი მრავალი წლის განმავლობაში უნდა გამოიყენო. ძალიან მალე აცივდება, თუ შენ ცენტრალური გათბობის დაყენებას აპირებ, მე ამის შესახებ ინფორმაციას და რჩევებს გაგიზიარებ.  

სისტემა და რა უნდა გაითვალისწინო

გაზზე მომუშავე სისტემები მთელ სახლს ათბობს, გაზის ქვაბში წყლის გაცხელებით და მისი მიმოქცევით. რადიატორები არ აფრქვევენ გაცხელებულ ჰაერს ან მტვერს, ამიტომ კარგი ვარიანტია მათთვის ვისაც ალერგია აწუხებს. რაც უფრო მაღალი ეფექტიანობისაა ქვაბი (89%-94%) მეტად ეკონომიურია. თავდაპირველად აუცილებელია გაითვალისწინო, ბინას რა თბოდანაკარგები აქვს. უნდა გააკეთო თბოპროექტი, რადგან ბოლო სართულს სხვა თბოდანაკარგი აქვს, კუთხის ბინას და შუა ბინას - სხვა თბოდანაკარგი. გაზის ცენტრალური გათბობის ქვაბის და სისტემის შემოწმება ორ წელიწადში ერთხელ უნდა მოხდეს. ყოველთვე გაასუფთავე საჰაერო ფილტრი, სისტემის ეფექტურად მუშაობის უზრუნველსაყოფად.  

აუცილებელია იცოდე რა ტერიტორიის გათბობა გჭირდება და წინასწარ აარჩიო ქვაბისთვის და რადიატორებისთვის სასურველი ადგილი.  

ცენტრალური გათბობის ქვაბი

ქვაბი ცენტრალური გათბობის სისტემის მთავარი კომპონენტია, არის სხვადასხვა ზომის და მონაცემების, ამიტომ გირჩევ ბინა/სახლი აჩვენო პროფესიონალს, დაადგინო რა ტიპის ქვაბი გჭირდება და შეარჩიო საკუთარი ბიუჯეტის მიხედვით.

მილები

მონტაჟის დროს გაითვალისწინე, გარემონტებულ ბინაში ძირითადად მილების გაყვანა გარედან ხდება, ამიტომ საშუალო ხარისხის მილებიც დაიშვება, მაგრამ შავი კარკასის დროს, როცა იატაკის ქვეშ გაგყავთ მილები მაღალი ხარისხის უნდა იყოს, რადგან იატაკის აყრა და მილების გამოცვლა საკმაოდ რთული და ძვირიანი პროცესია. რადიატორს თუ შესაბამისი რაოდენობის წყალს არ მივაწვდით, იგი სიმძლავრეს ვერ განახორციელებს. 

რადიატორები

ეკონომიური რომ იყოს შენი სისტემა, უნდა გაკეთდეს თბოპროექტი, რომელსაც თვლის სპეციალური პროგრამა. ამის შემდეგ შეარჩევ რადიატორებს, რომელიც სწორად გადაანაწილებს სითბოს და აღარ დაგჭირდება ქვაბის მაღალ გრადუსზე აწევა. თუ სახლს თბილი, სქელი კედლები აქვს რადიატორების ცოტა სექცია იქნება საჭირო. 

ხშირად ადამიანები ახალი ცენტრალური გათბობის ქვაბის დაყენებისას მეორად რადიატორებს იყენებენ. გაითვალისწინე, რომ ახალი ქვაბის დაყენებისას რადიატორებიც ახალი უნდა იყოს, რადგან ქვაბებიც და და რადიატორებიც საშუალოდ 10-15 წელიწადში იცლება. ძველი რადიატორები კი შეიძლება არაეფექტურიც იყოს და საშიშიც.  

პროფესიონალთან კონსულტაციის შემდეგ, როცა გეცოდინებათ როგორი პროდუქტი გჭირდება, ჩვენთან შეგიძლი იყიდო ქვაბიც  და რადიატორებიც.