განათლება ადრეულ ასაკში: მთავარი პრინციპები

პატარები სამყაროს ღრუბელივით ისრუტავენ. თითოეული ახალი გამოცდილება, სიტყვა თუ ქცევა, ინვესტიციაა მათი ნაყოფიერი მომავლისთვის. ყველას კარგად გვესმის, რომ განათლება უმნიშვნოვანესი პროცესია ბავშვის პიროვნებად ჩამოყალიბებაში. გაეცანით ადრეული ასაკის განათლების შემდეგ პრინციპებს. ისინი დაგეხმარებიან სწორი მიდგომების ჩამოყალიბებაში:

სოციალიაზაცია

ბავშვის განვითარების აუცილებელი პირობაა სოციალიზაცია ოჯახის გარეთ, უსაფრთხო და კომფორტულ გარემოში. სოციალიზაცია ქვემოთ მოყვანილი ქცევებისა და ჩვევების ჩამოყალიბებაში ეხმარება ბავშვს.

მშობლებს ინტუიციურად გვესმის, რომ მნიშვნელოვანია ბავშვებმა დრო გაატარონ თანატოლებთან და მეგობრების ჯგუფები ჩამოყალიბონ. რაც უფრო ადრეული ასაკიდან შევეცდებით ამ კუხით მათ მხარდაჭარას, მით უფრო ადრე დავაძლევინებთ  მორცხვობას და დავეხმარებით პატარებს თვითშეფასების ამაღლებაში. თუ ამ პროცესს დავაყოვნებთ, შეიძლება შეიზღუდოს ბავშვის სოციალური განვითარება.

თანამშრომლობის პრინციპი

პატარა ბავშვისთვის ძალიან მნიშვნელოვანია გაზიარების, თანამშრომლობის და დათმობის პრინციპების ათვისება. ეს განსაკუთრებით მნიშვნელოვანია უფროსი ბავშვისთვის, რომელიც არ არის მიჩვეული უმცროსი და-ძმისთვის ნივთების დათმობას.

ენთუზიაზმი სწავლის მიმართ

გაკვეთილები ბავშვს უნდა ჩაუტარდეს საინტერესო და გასართობი მიდგომებით, რაც ბავშვს გაუჩენს სწავლის მიმართ სიყვარულს. კითხვის, სწავლის, აღმოჩენების მიმართ სიყვარული ბავშვებს ადრეულ, სკოლამდელ ასაკში უვითარდებათ.

განათლების ღირებულების შეცნობა

მშობლებს ყველაზე დიდი გავლენა აქვთ სკოლამდელი ასაკის ბავშვებზე. ბავშვს სახლის პირობებში შეუქმენით სკოლა, რომელიც სწავლის მიმართ სწორ დამოკიდებულებას განუვითარებს და ცხოვრების ბოლომდე გაჰყვება.

პატივისცემა

სხვების მიმართ პატივისცემა ადრეულ ასაკში იწყება. არ შემოიფარგლოთ ადამიანებსა და საგნებზე, ასევე, გარემოსა და საჯარო სივრცეების პატივისცემაც ადრეულ ასაკში იწყება.

გუნდურობა

გუნდურობის დემონსტრირება და მისი მნიშვნელობის შეცნობა ბავშვს დაეხმარება სხვისი აზრების პატივისცემაში, მოსმენის კულტურის ჩამოყალიბებასა და თანამშრომლობის უნარ-ჩვევების განვითარებაში.

სირთულეების დაძლევა

აუცილებელია ადრეული ასაკიდან ბავშვი შევაჩვიოთ სირთულეების დაძლევას. ბავშვებმა უნდა შეძლონ საკუთარი თავის და ემოციების მართვა. მშობლების და მასწავლებლების საქმეა რთული გარემოს შექმნა ბავშვისთვის, რომ მან სიძნელეებს “გემო“ გაუგოს. შეიძლება გაუჭირდეს და „ჭრილობაც“ კი მიიღოს,თუმცა ცხოვრების შემდგომ ეტაპზე არსებულ სირთულეებს უფრო მომზადებული შეხვდება.

კონცენტრაცია

სკოლამდელი ასაკის ბავშვები ენერგიით აღსავსე არსებები არიან, რომელთა ფანტაზიას და ცხოვრების მიმართ ინტერესს საზღვარი არა აქვს. სულ ახალ გამოცდილებებს ეძებენ, ახალ გარემოებებსა და ახალ მეგობრებს.

მშობლებმა უნდა დაიჭირონ ბალანსი და ამ ყველაფერთან ერთად, მოსმენის კულტურა, მითითებებზე მიყოლა და კონცენტრაციის უნარი უნდა გამოუმუშაონ.

მოთმინება

უფროსები ყოველდღიურად ვვარდებით სიტუაციაში, რომელშიც ჩვენი მოთმინების ფიალა ბოლომდე ივსება. ბავშვებს სჭირდებათ სოციალური სიტუაციები, რომელშიც ექნებათ მოთმინების უნარის განვითარების შესაძლებლობა. სოციალური სიტუაციის მაგალითია თამაშისთვის რიგში ყოფნა.

თვითრწმენა და თვითშეფასება

ყოველდღიური კეთილდღეობა ბავშვს აძლევს თვითრწმენასა და ოპტიმიზმს, რაც, თავის მხრივ, პატარებს ბიძგს მისცემს მათი ნიჭის, უნარების და ინტერესების გაღვივებაში. ჯანსაღი ინტერაქცია სხვა ბავშვებსა თუ უფროსებთან უბიძგებს ბავშვებს თვითდაჯერებულობისაკენ.

უცხოს და განსხვავებულის შეცნობა

განსხვავებულის და უცხოს პატივისცემა ბავშვობიდან მნიშვნელოვანია. ბავშვმა ადრეული ასაკიდან უნდა იცოდეს, რომ ყველა ადამიანი უნიკალურია და სხვადასხვა კულტურას, ეთნოსსა და რწმენას პატივი უნდა სცეს და დააფასოს.