8 გასაკვირი ფაქტი ნაყოფიერების შესახებ

ორსულობა, ყველა ქალის ცხოვრებაში ყველაზე მნიშვნელოვანი, ბედნიერი და ამასთანავე ამაღელვებელი პერიოდია. საინტერესოა რამდენად კარგად ფლობთ ინფორმაციას ორსულობის შესახებ. ორგანიზაციამ “American Infertility Association”, ჩაატარა კვლევა, სადაც , 12 ათასზე მეტმა ქალმა გასცა პასუხი 15 კითხვას, თავიანთ რეპროდუქციულ ციკლზე, რომლის შედეგადაც აღმოჩნდა 8 გასაკვირი ფაქტი ნაყოფიერებაზე, რომელიც სასურველია ყველამ იცოდეს.

ფაქტი პირველი – ის, რომ ჯანმრთელი ხართ, არ ნიშნავს, რომ ნაყოფიერი ხართ

თქვენ რეგულარულად ვარჯიშობთ, იკვებებით ჯანსაღად, ყველაფერი წესრიგში გაქვთ, ეს ძალიან კარგია, თუმცა არ ნიშნავს იმას, რომ ნაყოფიერი ხართ, რადგან მიზეზი ბევრი და მრავალფეროვანია, ასევე გაურკვეველიც. სამწუხაროდ უნაყოფობის ყველაზე დიდი ფაქტორი არის, რაღაც, რასაც ჩვენ ვერ ვაკონტროლებთ.

ფაქტი მეორე – თქვენი წონა მოქმედებს დაფეხმძიმების შესაძლებლობაზე

უნაყოფობის 20 % გამოწვეულია წონის პრობლემებიდან. თუ თქვენ ჯანსაღად არ იკვებებით, არ განიწმინდება თქვენი სისხლი, რომელიც საჭიროა ნორმალური ოვოლუციისა და რეპროდუქციის სრულყოფილებისათვის. სხვა მხრივ, ჭარბწონიანობა იწვევს ჰორმონალურ დარღვევებს. სტატისტიკური მონაცემების მიხედვით, 70 პროცენტზე მეტი ქალი, ფეხმძიმდება სპონტანურად, როდესაც ნორმალურ წონას მიაღწევენ. ჭარბწონიანი ქალის ფეხმძიმობა მეტად არის დაავადებების რისკის ქვეშ, რომლებიცაა, სისხლის მაღალი წნევა და დიაბეტი.

ფაქტი მესამე – ბიოლოგიური საათი მამაკაცებისთვისაც ჩამოკრავს

აზრი, რომ ასაკთან დაკავშირებული ნაყოფიერების შემცირება მხოლოდ ქალის ფაქტორთან არის დაკავშირებული, შესწავლილ იქნა ბრიტანეთის უნივერსიტეტების მიერ. ბრისტოლისა და ბრუნელის უნივერსიტეტებმა შეაფასეს 8500 წყვილი რომ განესაზღვრათ ასაკის გავლენა ორსულობაზე. მათ აღმოაჩინეს, რომ მამაკაცების 8%, რომელთა ასაკიც არის 25 წელს ქვემოთ, ვერ აფეხმძიმებენ თავიანთ პარტნიორს. ეს რიცხვი 15% მდე იზრდება 35 წელს ზემოთ მამაკაცებში. აქედან გამომდინარე, ძალიან ხშირად მამაკაცებში ასაკი მოქმედებს უშვილობაზე.

ფაქტი მეოთხე – ოვულაცია საუკეთესო დღეა ფეხმძიმობისთვის

დაორსულების ალბათობა ყველაზე დიდია ოვულაციის დროს, როდესაც მომწიფებული კვერცხუჯრედიდან საკვერცხე გამოიდევნება. თუმცა იქედან გამომდინარე, რომ სპერმატოზოიდს სამი დღის განმავლობაში შეუძლია განაყოფიერება, არ არის აუცილებელი, რომ ორსულობის განვითარება ზუსტად ოვულაციის დღეს მოხდეს, არამედ ოვულაციამდე 3 დღით ადრე. ახლა კი საინტერესოა რა სიმპტომები ახასიათებს ოვულაციას? ამ დროს დამახასიათებელია ჩხვლეტითი შეგრძნებები და იცვლება გამონადენი. ოვულაციის პერიოდის გამოთვლა შესაძლებელია ბაზალური ტემპერატურის გასინჯვით, სპეციალური ტესტით და ა.შ.

ფაქტი მეხუთე – მითები საცვლის შესახებ

მრავალი წლის წინ, მომავალი მამები ერიდებოდნენ მჭიდროდ მოჭერილი საცვლების ტარებას, რადგან მიიჩნევდნენ, რომ ამის შედეგად, სათესლე ჯირკვლები ზიანდებოდა. ეს, რა თქმა უნდა, მითი აღმოჩნდა.

 ფაქტი მეექვსე – ორსულობის საწინააღმდეგო აბები

ორსულობის საწინააღმდეგო აბები შეიცავენ 2 ჰორმონს ესტროგენსა და პროგესტერონს. თუ ოდესმე მათ მიღებას გადაწყვეტთ, უმჯობესია ექიმს მიმართოთ, რადგან აუცილებელია მისი სწორად შერჩევა და მიღება, წინააღმდეგ შემთხვევაში მოსალოდნელია სერიოზული გართულებები.

ფაქტი მეშვიდე – სპეციალურ საკვებსა და დიეტებს არ აქვს გავლენა ნაყოფიერებაზე

არ გეგონოთ, რომ სპეციალური საკვებისა და დიეტის დაცვით, გაზრდით დაორსულების შანსს. საუკეთესო გამოსავალი ამ შემთხვევაში არის ვიტამინებისა და მინერალების დიეტა.

ფაქტი მერვე – მოქმედებს თუ არა ყავა ორსულობაზე

შეიძლება თუ არა ყავა ორსულებისთვის ჯერ კიდევ სადავო საკითხია, თუმცა, რათქმაუნდა მისი დიდი რაოდენობით მიღება აუცილებლად იმოქმედებს თქვენს ნაყოფზე, რადგან ყავა შეიცავს კოფეინს, რომელიც ზრდის არტერიულ წნევას, გულისცემასა და შარდის გამოყოფას. ზოგჯერ, კოფეინის დიდი რაოდენობით მიღება უნაყოფობასაც კი იწვევს. ამერიკის გინეკოლოგთა ასოციაციამ ჩაატარა კვლევა, რომლის შედეგადაც დადგინდა, რომ კოფეინი მუცლის მოშლის საშიშროებას 50% ით ზრდის. ამრიგად, აუცილებელია მისი დოზის შემცირება მინიმალურ დონეზე.