როგორ მოვამზადოთ ფორმულა უსაფრთხოდ?

მოგეხსენებათ, რომ ბავშვისთვის ხელოვნური კვების, იგივე ფორმულას, დასამზადებლად საჭიროა წყალი. წყალი აუცილებლად უნდა იყოს სანდო, უსაფრთხო წყაროდან. შეგიძლიათ გამოიყენოთ ბოთლის წყალი, რომელიც ყველგან იყიდება ან, თუ ბოლომდე არ ხართ დარწმუნებული მის უსაფრთხოებაში, შეგიძლიათ ონკანის ცივი წყალი აადუღოთ 1 წუთის განმავლობაში. შემდეგ გააგრილეთ ოთახის ტემპერატურამდე – არაუმეტეს 30 წთ-ისა, სანამ  გამოიყენებთ.

მნიშვნელოვანი ინფორმაცია მშობლებისთვის: ფორმულას გახსნა დიდი რაოდენობით წყალში საშიშია!

ვრცელდება ინფორმაცია,  რომ საკმაოდ ბევრი მშობელი აზავებს ფორმულას დიდი რაოდენობით წყალში, იმისთვის რომ კვება იყოს უფრო მეტი და ამ გზით დაზოგოს თანხა. ამან კი შესაძლოა გამოიწვიოს საშიში მდგომარეობა, რომელსაც ჰქვია წყლით ინტოქსიკაცია. ამერიკის პედიატრთა ასოციაცია აფრთხილებს მშობლებს, რომ არავითარ შემთხვევაში არ მოიქცნენ ასე.

ჭარბი რაოდენობით წყლის დამატება ფორმულაში, ამცირებს მასში არსებული საკვები ნივთიერებების რაოდენობას, რომელიც ბავშვმა ყოველ კვებაზე უნდა მიიღოს. ამან კი შესაძლოა გამოიწვიოს ზრდა-განვითარების შეფერხება. დიდი რაოდენობით წყლის გაზავება, ასევე, იწვევს ელექტროლიტებთან დაკავშირებულ დარღვევებს და შედეგად კრუნჩხვებს. ასე რომ, ყოველთვის გახსენით ფორმულა წყლის იმ რაოდენობაში, რამდენიც აქვს მითითებული შეფუთვაზე.

როგორ შევამოწმოთ ბოთლის ტემპერატურა?

თბილი წყალი უნდა შემოწმდეს წინასწარ, რომ არ იყოს ძლიან ცხელი ჩვილისთვის. ყველაზე  მარტივი გზა არის: შეანჯღრიოთ ბოთლი და რამდენიმე წვეთი დაისხათ მაჯის შიდა ზედაპირზე.

მომზადებიდან რამდენი ხანი ვარგა ფორმულა?

• დამზადებული ფორმულა აღარ ვარგა მისი ჭამიდან 1 საათის შემდეგ.
• დამზადებული ფორმულა, რომელიც ჩვილს არ უჭამია, ინახება მაცივარში 24 საათის განმავლობაში, ბაქტერიებით დაინფიცირების თავიდან ასარილებლად.