ფოლიუმის მჟავა და ორსულობა

რა არის ფოლიუმის მჟავა?

ეს არის ადამიანის მიერ შექმნილი B ვიტამინის ფორმა, რომელსაც ეძახიან ფოლატს. ფოლატი მნიშვნელოვან როლს ასრულებს სისხლის წითელი უჯრედების წარმოქმნაში, ასევე, ორსულობის დროს ხელს უწყობს ნაყოფის ნერვული სისტემის სწორად განვითარებას. ფოლიუმის მჟავის საუკეთესო წყარო არის ფორტიფიცირებული (კონკრეტულ პროდუქტში მწარმოებლის მიერ სასარგებლო ელემენტების ჩამატება, რომელიც ამ პროდუქტში ბუნებრივად არ მოიპოვება. მიზანი არის საკვების უფრო მეტად გაჯანსაღება) მარცვლეული. ბუნებრივად მისი მიღება შესაძლებელია მუქი მწვანე ბოსტნეულიდან და ციტრუსიდან.

როდის უნდა დავიწყოთ ფოლიუმის მჟავის მიღება?

დაბადების დეფექტების ჩამოყალიბება უმეტესწილად ხდება ორსულობის პირველ 3-4 კვირაში. შესაბამისად, მნიშვნელოვანია ფოლატის მიღება ზუსტად ამ პერიოდში – როდესაც ხდება თავის და ზურგის ტვინის ჩამოყალიბება. ამით შევამცირებთ ნაყოფში ნერვული სისტემის დეფექტის ჩამოყალიბების რისკს.

CDC (დაავადებათა კონტროლის და უსაფრთხოების ცენტრი) გვაძლევს რეკომენდაციას (სრულად შეგიძლიათიხილოთ აქ) , რომ მივიღოთ ფოლატი დაორსულებამდე ყველაზე ცოტა ერთი თვით ადრე და ყოველდღე მთელი ორსულობის განმავლობაში.

 რა რაოდენობით უნდა მივიღოთ ფოლიუმის მჟავა?

დღიური რეკომენდირებული დოზა ყველა ქალბატონისთვის არის 400 მკგრ. ამიტომ, თუ იღებთ ვიტამინების კომპლექსს, უმჯობესია შეამოწმოთ მაში შემავალი ფოლატის დოზა.

ორსულობის პერიოდიდან გამომდინარე ფოლატის დღიური რეკომდენირებული დოზა არის:

• როცა არის ჩასახვის მცდელობა – 400მკგრ.
• ორსულობის პირველი სამი თვე – 400მკგრ.
• ორსულობის 4 თვიდან 9 თვემდე – 600მკგრ.
• ლაქტაციის (ძუძუთი წოვის) დროს – 500მკგრ.

შევაჯამოთ რაშ მდგომარეობს ფოლიუმის მჟავის მიღების მთავარი სარგებელი:

 სხეულში ამ ელემენტის არასაკმარისი რაოდენობის არსებობისას, ნაყოფის ნერვული არხი (სტრუქტურა, რომლიდანაც საბოლოოდ ყალიბდება თავის და ზურგის ტვინი)  შეიძლება დაიხუროს არასწორად და შესაძლოა მას განუვითარდეს ნერვული არხის დეფექტები, რომელიც საკმაოდ დიდ პრობლემებთან არის დაკავშრებული. ამიტომ, ყველა მომავალ დედას ვურჩევ: მიიღეთ ფოლიუმის მჟავა და იზრუნეთ თქვენი პატარების ჯანმრთელობაზე.

საბავშვო პროდუქციის სანახავად გადადით ბმულზე --> nido.ge/bavshvistvis/