ფინანსური განათლება ბავშვებისთვის

ფინანსები ყველა მატერიალური რესურსის  ერთობლიობაა,  რომელსაც ჩვენი სურვილებისა და საჭიროებების  შესაბამისად  ვხარჯავთ,  ამ ხარჯების მართვას კი ყველა ისე ახერხებს როგორც  მოუხერხდება, სწორედ ამიტომ  ყველას გვყავს ისეთი მეგობარი, რომელსაც  თავისი დანაზოგით შეუძლია ხელფასი მთელს თვეზე გაადაანაწილოს, და მეორე „მფლანგველი“  მეგობრები, რომელიც  ხელფასის აღების პირველივე  დღესვე   გრანდიოზულ წვეულებები შეუძლია მოაწყოს. ბავშვებს ფინანსური უნარ-ჩვევები  პატარა ასაკიდანვე უყალიბდებათ, სკოლაში, რა თქმა უნდა, ასწავლიან  არითმეტიკას,  ხოლო ამ ციფრების ფინანსებად  გადაქცევასა და მათ მართვაში შეგვიძლია ჩვენც, როგორც მშობლებმა გარკვეული წვლილი შევიტანოთ. შეგიძლიათ ამ თემას ყურადღება მიაქციოთ და ქვემოთ მოცემულ რჩევებს ასაკის მიხედვით მიყვეთ.

3-5 წლამდე

გაკვეთილი: შეიძლება მოგიწიოს ლოდინი სანამ რამეს იყიდი

ამის ბოლომდე გაცნობიერება, ბავშვებს კი არა, უფროსებსაც უჭირთ. ყველა ასაკის ბავშვმა უნდა იცოდეს, რომ რამე თუ უნდა, ფული უნდა შეაგროვოს და მერე იყიდოს.

როგორ ვასწავლოთ?

ბავშთან ერთად შეარჩიეთ 3 ქილა. ერთს დააწერეთ „დანაზოგი“, მეორეს „დასახარჯი“ და მესამეს „საზიარო“. ყოველ ჯერზე როცა ბავშვი თანხას მიიღებს (დაბადების დღის საჩუქარი იქნება ეს თუ სახლის დალაგებისთვის მიღებული ფული), 3-ად გააყოფინეთ და ქილაში მოათავსეთ. დასახარჯი ქილა გამოიყენეთ კანფეტების, ნაყინის და დაბალ ფასიანი ნივთების საყიდლად. საზიარო საქველმოქმედო მიზნებისთვის. ხოლო დანაზოგი უფრო ძვირფასი ნივთებისთვის. ყოველთვის იცოდეს ბავშვმა რისი ყიდვა აქვს განზრახული. ისეთი ძვირიანი ნივთი არ აარჩევინოთ, რომ თვეები დასჭირდეს მის ყიდვას. ასე უბრალოდ ხელს ჩაიქნევს ბავში და მობეზრდება.

6-10 წლამდე

გაკვეთილი: უნდა გადაწყვიტო როგორ და რაში დახარჯავ ფულს

ამ ასაკში აუცილებელია ბავშვს აუხსნათ, რომ ფული შეზღუდულია და მნიშვნელოვანია მასთან დაკავშირებით სწორი გადაწყვეტილებების მიღება. ამ ეტაპზე, 3 ქილა უნდა შევინარჩუნოთ, თუმცა უნდა დავამატოთ მიზნების დასახვა და მასთან დაკავშირებული გადაწყვეტილებების მიღება.

როგორ ვასწავლოთ?

სუპერმარკეტში, მიეცით ბავშვს ფული, მაგალითად 10 ლარი და უთხარით რომ, გადაწყვიტოს რომელი ხილი იყიდოს, იმის გათვალისწინებით თუ რა გინდათ (რაოდენობა, სახლში დაიკოს რა უყვარს და ასე შემდეგ). ასევე, საყიდლების დროს აუხსენით თქვენ როგორ იღებთ გადაწყვეილებებს – ხმამაღლა დაუსვით თქვენ თავს კითხვები რასაც ფიქრობთ ხოლმე: „ნამდვილად მჭირდება ეს?“, „სხვაგან უფრო იაფი ხომ არ იქნება“.

11-13 წლამდე

გაკვეთილი: რაც უფრო მალე დაიწყებ დაზოგვას, თანხა მით უფრო გაიზრდება თანხა

ამ ეტაპზე უნდა გადახვიდეთ იმის სწავლებაზე, რომ ბავშვმა გააცნობიეროს განსხვავება მოკლევადიან და გრძელვადიან მიზნებს შორის. აუხსენით რთული პროცენტის პრინციპი, რომ პროცენტი ერიცხება, როგორც ძველ დანაზოგს, ასევე, დარიცხულ პროცენტს.

როგორ ვასწავლოთ:

ბავშვს უნდა ქონდეს გრძელვადიანი მიზანი, მაგალითად ძვირიანი სათამაშოს ყიდვა. ბავშმა უნდა იცოდეს, რომ თუ ყოველ დღე შოკოლადს (მოკლევადიანი მიზანი) არ იყიდის და ფულს გადადებს ამ მიზნისთვის, უფრო მალე მოახერხებს სასურველი ნივთის შეძენას.