ლურჯი სუფრა
ჭურჭელი
ხალიჩები
აბრეშუმის შარფები
სამკაული
მაჯის საათები
ბალიშები და პლედები
საბავშვო წიგნები
უცხოელი ავტორები
უცხოენოვანი
ფანტასტიკა
ქართველი ავტორები
სახელმძღვანელოები
ფაქტები ჩვილებზე რომლებიც აქამდე არ იცოდით
- მათ პირველ განავალს არ აქვს ცუდი სუნი – ეს არის შავი, კუპრისმაგვარი ნივთიერება, რომელიც შედგება ლორწოსგან, საშვილოსნოდან მოყოლილი სითხისა და ნებისმიერი რამისგან, რაც ბავშვმა მოინელა/გადაამუშავა მუცლადყოფნის დროს. ბავშვს ჯერ არ გააჩნია ნაწლავის ბაქტერია, რომლის წყალობითაც განავალს აქვს დამახასიათებელი, მყრალი სუნი.
- პერიოდულად ჩვილი აჩერებს სუნთქვას – როდესაც ჩვილს სძინავს, შესაძლებელია მან შეწყვიტოს სუნთქვა 5-10 წამის განმავლობაში – ეს არის საკმარისი დრო იმისთვის, რომ ახალბედა მშობელი ჩავარდეს პანიკაში. თუმცა, უნდა იცოდეთ რომ არარეგულარული სუნთქვა ჩვილებში ნორმაა. თუ სუნთქვის გაჩერება გაგრძელდა 10 წამზე დიდხანს, ან ბავშვი გალურჯდა, აუცილებლად მიმართეთ სასწრაფო დახმარებას.
- მათ ტონზილებს აქვთ გემოვნების რეცეპტორები – პატარა ბავშვებს აქვთ იმდენივე რაოდენობის გემოვნების სენსორი (შემგრძნობი), რამდენიც მოზრდილ და დიდ ბავშვებს. განსხვავება არის იმაში, რომ პატარებს უფრო მეტ ადგილას აქვთ ის გადანაწილებული, მათ შორის ტონზილებზე და ყელის უკანა ნაწილში. ჩვილს შეუძლია შეიგრძნოს ტკბილი, მწარე და მჟავე, თუმცა ვერ შეიგრძნობს მარილის გემოს 5 თვემდე.
- თავიდან პატარები ტირიან ცრემლების გარეშე – ცრემლები არ ჩანს დაახლოებით ერთი თვის ასაკამდე. ყველაზე მოუსვენრად ისინი არიან საღამოობით და ღამე. ,,ტირილის პიკი” ვადაზე დაბადებული ბავშვებისთვის არის 6-8 კვირაზე. 3 თვის მერე ძირითადი ჭირვეულობა ნელნელა ქრება.
- ახალშობილებს აქვთ მკერდი – ახალდაბადებული გოგოც და ბიჭიც ისე გამოიყურება, თითქოს მათ აქვთ პატარა მკერდი. ამის მიზეზია კვანძი. შესაძლებელია მათ ძუძუდან რძემაც კი გამოჟონოს! არავითარ შემთხვევაში არ მოუჭიროთ ხელი ამ კვანძს. ის ყალიბდება იმ მიზეზით, რომ დედის ორგანიზმიდან ჩვილი იწოვს ჰორმონს – ესტროგენს. რამდენიმე კვირაში კვანძი თავისით გაქრება. ამის გარდა, ახალშობილ გოგონას შეიძლება ჰქონდეს გამონადენი ვაგინიდან. ამ შემთხვევაშიც, ეს თავისთავად ქრება რამდენიმე დღეში.
- წოლის დროს ურჩევნიათ თავის მარჯვნივ გადაწევა – ზურგზე წოლისას, ჩვილების მხოლოდ 15%-ს ურჩევნია თავის მარცხნივ გადაწევა, დანარჩენ 85%-ს ურჩევნია მარჯვენა მხარე.
- გააჩნიათ ტვინის გარკვეული უჯრედები – მიუხედავად იმისა, რომ ბავშვის ტვინი ასაკთან ერთად ზომაში იმატებს, მას უკვე გააჩნია ნერვული უჯრედების უდიდესი ნაწილი, რომელიც ატარებს ელექტრულ სიგნალებს. ამ ნეირონების სიკვდილის შემდგომ არ ხდება მათი ჩანაცვლება, შესაბამისად მოზარდს, ბავშვთან შედარებით უფრო ნაკლები რაოდენობით აქვს ეს უჯრედები.
- ჩვილ ბიჭებს აქვთ ერექცია – ერექცია ხშირად ხდება მანამ, სანამ პატარა მოშარდავს (გაითვალისწინეთ ეს გარემოება საფენის შეცვლის დროს). არ არის ცნობილი ამის გამომწვევი ზუსტი მიზეზი, თუმცა ერთი ცხადია: ეს არც საშიშია და არც სამარცხვინო.
