უთხარით არა ენერგეტიკულ სასმელებს!

მაღალკონცენტრირებული ენერგეტიკული სასმელების მოხმარება არ არის უსაფრთხო ბავშვებისთვის და მოზარდებისთვის, ამის შესახებ გვამცნობს სპორტული მედიცინის ამერიკული კოლეჯი (ACSM).

ენერგეტიკული სასმელები დიდი პოპულარობით სარგებლობს საზოგადოებაში. ბავშვები და მოზარდები კი დიდი რისკის ქვეშ არიან მიიღონ არასასურველი შედეგი მათი მოხმარების შედეგად, რადგან მათ სხეულის უფრო მცირე ზომები აქვთ და პოტენციურად უფრო ხშირად მოიხმარენ ასეთი ტიპის სასმელებს. ენერგეტიკული სასმელები არ არის განკუთვნილი მათი მოხმარებისთვის და ამის შესახებ უნდა გაკეთდეს სპეციალური განცხადება, რომ უფრო მეტმა ადამიანმა მიიღოს ინფორმაცია იმ არასასურველ შედეგებზე, რაც შეიძლება მოყვეს ენერგეტიკული სასმელების მოხმარებას.

როგორც კვლევა აჩვენებს, კოფეინის მაღალმა შემცველობამ ენერგეტიკულ სასმელებში  შეიძლება გამოიწვიოს არასასურველი გვერდითი ეფექტი გულ-სისხლძარღვთა სისტემის, ნევროლოგიური, კუჭ-ნაწლავის სისტემის, ენდოკრინოლოგიური სისტემის  და თირკმელების ფუნქციონირებაზე, ასევე არასასურველი გავლენა აქვს ფსიქიკურ სფეროზე.

იმისათვის რომ დავიცვათ ბავშვები, მოზარდები და ადამიანები გულ-სისხლძარღვთა და სხვა სისტემათა პრობლემებით, შემუშავებულია რამოდენიმე რეკომენდაცია:

• შევწყვიტოთ მარკეტინგული რეკლამები, მათ შორის სპორტულ შეჯიბრებებზე, სადაც მონაწილეობას იღებენ ბავშვები და მოზარდები.
• ფიზიკურ დატვირთვამდე და მას შემდეგ, ასევე არც ინტენსიური ვარჯიშის დროს არ მიიღონ ენერგეტიკული სასმელი. რადგან ფიზიკურ აქტივობამდე ან მას შემდეგ ენერგეტიკული სასმელის მიღების შედეგად დაფიქსირდა სიკვდილის რამოდენიმე შემთხვევა.
• გავზარდოთ მომხმარებლების ცნობადობა და ვასწავლოთ სხვაობა ყავის, სპორტული სასმელების და ენერგეტიკულ სასმელებს შორის.
• ექიმებმა ვიზიტის დროს აუცილებლად უნდა ისაუბრონ პაციენტებთან ენერგეტიკულ სასმელებზე