დღენაკლული ბავშვი – რა უნდა ვიცოდეთ?

ტერმინი ,,დღენაკლული’’ შეიძლება ითქვას ბავშვზე, რომელიც დაიბადა ორსულობის 37 კვირის დასრულებამდე. ამ კატეგორიებში შედის: გვიანი (34-36 კვირა), ზომიერი  (32-36 კვირა) და ძალიან დღენაკლული (32 კვირაზე ნაკლები).

დღენაკლული ბავშის მახასიათებლები

როგორც იცით, ვადაზე დაბადებული ბავშვების საშუალო წონა არის 3 კგ. მათგან განსხვავებით, დღენაკლული ბავშვი შესაძლებელია იწონიდეს 2.2 კგ-ს, ან ნაკლებსაც კი.

მედიცინაში არსებული წინსვლის წყალობით ბავშვები, რომლებიც იბადებიან ორსულობის 28 კვირის მერე და იწონიან 1კგ-ზე მეტს, აქვთ გადარჩენის ძალიან დიდი შანსი.

10-დან 8-ს ბავშს , რომელიც დაიბადა ორსულობის 30 კვირის შემდგომ, აქვთ ჯანმრთელობასა და განვითარებასთან დაკავშირებული მინიმალური გრძელვადიანი პრობლემები. ორსულობის 28-ე კვირამდე დაბადებულ ბავშვებს კი, სხვადასხვა სახის გართულებები. მათ ესაჭიროებათ ნეონატალურ ინტენსიურ განყოფილებაში მოთავსება და მკურნალობა.

როგორი შესახედაობა აქვს დღენაკლულ ბავშვს?

• რაც უფრო ადრე დაიბადება ბავშვი, მით უფრო პატარა იქნება. დანარჩენ სხეულთან შედარებით, მისი თავი დიდი მოგეჩვენებათ.
• რადგან დღენაკლულ ბავშვებს აქვთ ცოტა ცხიმი, მათი კანი არის თხელი და შედარებით გამჭირვალე, რის შედეგადაც უფრო მარტივია მათი სისხლძარღვების დანახვა. ასევე, შესაძლებელია ჰქონდეთ თხელი თმა – ლანუგო, ზურგზე და მხრებზე.
• მათი ნაკვთები არის უფრო მკვეთრი, უხეში.
• რადგან დღენაკლულ ბავშვებს არ გააჩნიათ დამცავი ცხიმოვანი ქსოვილი, ნორმალურ ტემპერატურაზე მათ სცივათ. სწორედ ამის გამო, დაბადებისთანავე ისინი გადაჰყავთ ინკუბატორში.

 როგორ გავუმკლვდეთ ამ დროს არსებულ სტრესს და შიშს?

პირველ რიგში, მოითხოვეთ თქვენი პატარას ნახვა, როგორც  ამის საშუალება იქნება. ჩაერთეთ მის მოვლაში ისევე აქტიურად, როგორც ამას გეგმავდით თავიდანვე, ვადაზე მშობიარობის შემთხვევაში:

• ეცადეთ მაქსიმალურად ბევრი დრო გაატაროთ მასთან – იმ შემთხვევაში, თუ თქვენი და თქვენი პატარას მდგომარეობა გაძლევთ ამის საშუალებას. თუ თქვენ არ შეგიძლიათ მისი ხელში დაჭერა, შეეხეთ მას ხშირად. ინტენსიური განყოფილებების უმრავლესობა რთავს მშობელს ამის ნებას.
• როგორც კი ექიმი დაგრთავთ ნებას, შეგიძლიათ აჭამოთ თქვენს პატარას – დედის რძე საუკეთესოა ვადაზე დაბადებული ბავშვისთვის, განსაკუთრებით კი დღენაკლულისთვის, რადგან ამ დროს ბავშვის იმუნური სისტემა ძლიერდება. ხშირად, დღენაკლულ ბავშვებს უჭირთ ძუძუდან ჭამა. ამ შემთხვევაში შეგიძლიათ გამოიწველოთ რძე და აჭამოთ მას ბოთლიდან.

დღენაკლული ბავშვი მზად იქნება სახლში წასაყვანად, როგორც კი ის თავისით/დახმარების გარეშე შეძლებს სუნთქვას, სხეულის ტემპერატურის შენარჩუნებას და წონაში მატებას.