ცისტიტი ბავშვებში

ცისტიტი, იგივე შარდის ბუშტის ანთება, არის ინფექციური დაავადება, რომელიც საკმაოდ ხშირად გვხვდება ბავშვებში. ანატომიური თავისებურების გამო, ცისტიტი გოგონებში უფრო ხშირია, ვიდრე ბიჭებში.

გამომწვევი მიზეზები:

• პამპერსის დიდხანს გამოუცვლელობა – როდესაც მიკრობები დიდი ხნის განმავლობაში არიან კანთან პირდაპირ კონტაქტში, ხდება მათი რაოდენობის გაზრდა და შარდის ბუშტის ანთების ამ გზით გამოწვევა.
• გაციება – მოზრდილ ბავშვებში ცისტიტის გამომწვევი ხშირად არის გაციება. მაგალითად, სველი ტანსაცმლის ჩაცმის, აბაზანიდან გამოსვლის შემდეგ დიდი ხნით ჩაუცმელად ყოფნის შემთხვევაში, ანდა ცივ ზედაპირზე დიდხანს ჯდომის გამო.
• სტრესი
• პირადი ჰიგიენის დაუცველობა

სიმპტომები:

• ტკივილი მუცლის ქვედა მიდამოში
• უმადობა, მუცლის ტკივილის გამო
• ხშირი შარდვა
• მტკივნეული შარდვა
• ფაღარათი
• შარდის მუქი შეფერილობა

როგორ შევუმსუბუქოთ მდგომარეობა პატარას?

• სითბო – რეკომენდებულია რაიმე თბილის დადება შარდის ბუშტის მიდამოში. აგრეთვე თბილი წინდები, კიდეურები რომ თბილად იყოს.
• ბევრი სითხის მიღება ძალიან მნიშვნელოვანია
• მომატებული ტემპერატურის, ან შარდში სისხლის არსებობის შემთხვევაში აუცილებლად მივმართოთ ექიმს.

დროულდ რეაგირებისა და მკურნალობის შემთხვევაში, ცისტიტი საფრთხეს არ წარმოადგენს, თუმცა უნდა გავითვალისწინოთ, რომ არასწორმა მკურნალობამ, ან მკურნალობის არ ჩატარებამ, შესაძლოა, გართულება გამოიწვიოს და ცისტიტი გადაიზარდოს პიელონეფრიტში (თირკმელების ინფექციური დაავადება).