მაგიდასთან ქცევის წესები ბავშვებისთვის

მნიშვნელობა არ აქვს სად ჭამთ, სახლში, რესტორანში თუ მეგობართან, ბავშვის მანერებს სუფრასთან ყურადღების მიქცევა სჭირდება. ამ თემაზე „მუშაობა“ ჯობია ადრეული ასაკიდან დაიწყოთ, რადგან ცუდი მანერებისგან გათავისუფლება დიდ ასაკში უფრო რთულია.

• ბავშვს თავიდანვე შეაჩვიეთ, რომ სუფრასთან სუფთა ხელებითა და პირ-სახით მოვიდეს. ეს მარტო ეტიკეტის თემა არ არის, ჰიგიენის მნიშვნელოვანი ნაწილია.
• სტუმრად ყოფნისას ყოველთვის იკითხეთ, შეგიძლიათ თუ არა დაეხმაროთ დიასახლისს.
• გააშლევინეთ სუფრა და ასწავლეთ, რომ ჩანგალი მარჯვნივ იდება, ხოლო დანა – მარცხნივ. ჭიქა მარჯვნივ დადოს და ხელსახოცი – მარცხნივ.
• ასწავლეთ, რომ ჭამის დაწყებამდე დაელოდოს, სანამ ყველა არ მიუსხდება სუფრას, რადგან ბავშვია, არ ნიშნავს, რომ ჭამა ადრე უნდა დაიწყოს.
• არ დაღეჭოს საჭმელი ღია პირით და არ ილაპარაკოს ღეჭვის დროს. ეს ორივე სუფრის ეტიკეტის ყველაზე მკაცრი წესია.
• არ გამოიტენოს პირი.
• არ შეაწყვეტინოს ლაპარაკი სხვას. ასწავლეთ ბავშვს, რომ დაელოდოს ლაპარაკის დასრულებას, სანამ თვითონ დაიწყებს ლაპარკს.
• არ გადაწვდეს მაგიდის მეორე ბოლოში საჭმელს. ასწავლეთ ბავშვს, რომ ითხოვოს საჭმლის გადმოწოდება.
• ასწავლეთ სკამის მაგიდის ქვეშ შეწევა, როდესაც ჭამას დაასრულებს.
• ჭამის დასრულებისას, ასწავლეთ თეფშის აღება და მადლობის გადახდა. თეფშის აღება და სამზარეულოში გატანა ბავშვის ყოველდღიური ჩვეულება უნდა გახდეს. მადლობის გადახდას სახლშიც შეაჩვიეთ და რესტორანში მიმტანთანაც.