ბავშვის ჯანმრთელობის საუკეთესო მეგობარი: ბუნებრივი კვება

ძუძუთი კვება არის საკვების ბუნებრივი და ძალიან სასარგბელო წყარო ჩვილისთვის. ამერიკის პედიატრთა ასოციაცია გვირჩევს, რომ ჩვილი პირველი 12 თვე იყოს ძუძუთი კვებაზე.  მსოფლიო ჯანდაცვის ორგანიზაცია აღწერს მას, როგორც ერთერთ ყველაზე ეფექტურ გზას ბავშვის ჯანმრთელობის შენარჩუნებისა და გაუმჯობესებისთვის.

ამ გზით კვების დადებითი მხარეები არის საკმაოდ ბევრი, როგორც დედისთვის, ისე ბავშვისთვის, კერძოდ:

1. ჯანმრთელი ბავშვი – პნეუმონიის (ფილტვების ანთების), ოტიტების (ყურის ანთების) ვირუსების და გაციების შემთხვევები ბევრად ნაკლებია ისეთ ბავშებში, რომლებიც იკვებებიან ძუძუთი.
2. ხანგრძლივი დაცვა – ამცირებს ქრონიკული დაავადებების რისკს, მაგალითად როგორიცაა დიაბეტი, ლეიკემია, ლიმფომა და ა.შ.
3. ჯანმრთელი ძვლები – ქალები, რომლებიც ძუძუთი კვებავენ პატარას, მენოპაუზის შემდგომ ოსტეოპოროზის განვითარების ბევრად ნაკლები რისკი აქვთ – ორსულობის და ლაქტაციის დროს ქალის სხეული ბევრად უფრო ეფექტურად შეიწოვს კალციუმს, ვიდრე მანამდე. ასე რომ, ლაქტაციიდან დაახლოებით ექვსი თვის შემდგომ, ძვლები ბევრად უფრო ძლიერია, ვიდრე იყო ორსულობამდე.
4. SIDS-ის დაბალი რისკი – SIDS (sudden infant death syndrome)/ჩვილის უეცარი სიკვდილის სინდრომის რისკი მცირდება 50 %-ით.
5. ნაკლები პრობლემები წონასთან დაკავშირებით – დიდი ალბათობით არც დედა და არც ბავშვი არ გახდება ჭარბწონიანი. ძუძუთი კვების დროს დედა დღეში საშუალოდ 500 კალორიამდე წვავს.
6. მშობიარობის შემდგომ საშვილოსნოს შეხორცება – როდესაც ჩვილი წოვს ძუძუს, დედის სხეულში გამოთავისუფლდება ჰორმონი ოქსიტოცინი, რომელიც იწვევს საშვილოსნოს შეკუმშვას. ასევე, მცირდება მშობიარობის შემდგომი სიხლდენა. ეს ეხმარება მის შედარებით სწრაფად შეხორცებას.
7. სიმსივინის რისკი – დედის შემთხვევაში იკლებს ძუძუს და საკვერცხის კიბოს განვითარების რისკი.
8. ეს არის იაფი! – მოგეხსენაბთ, რომ საქართველოში ერთი შეკვრა ხელოვნური რძე დაახლოებით 20 ლარამდე ღირს, რომელიც ერთი კვირაც არ არის საკმარისი. ეს კი საკმაო თანხებთან არის დაკავშირებული. ასე რომ, უამრავ სარგებელთან ერთად თქვენ ზოგავთ ბიუჯეტს.
9. მენსტრუალური ციკლი – ციკლი უფრო გვიან ბრუნდება იმ ქალებში, ვისაც პატარა ძუძუთი კვებაზე ყავთ.
10. მიჯაჭვულობა – ძუძუთი კვება უზრუნველყოფს დედასა და შვილს შორის მჭიდრო კავშირს/მიჯაჭვულობას.

ამერიკის პედიატრთა ასოციაციის ინფორმაციით (რომელიც შეგიძლიათ იხილოთ აქ), ერთადერთი და უტყუარი მდგომარეობები, რომლის დროსაც ძუძუთი კვება ითვლება უკუჩვენებად არის:

• ჩვილები, ვისაც აქვს კლასიკური გალაქტოზემია.
• დედები, ვინც დაავადებულები არიან ადამიანის იმუნოდეფიციტის ვირუსით.