ძუძუთი კვება – როგორ გავზარდოთ რძის რაოდენობა და ხარისხი?

დედის რძე შეუცვლელი საკვებია პატარისათვის. თუმცა ხშირად, დედის სურვილი, რომ შვილი ბუნებრივად გამოკვებოს, სხვადასხვა მიზეზების გამო ვერ ხორციელდება. ერთ-ერთი ასეთი მიზეზია რძის არქონა, ან მცირე რაოდენობა.

შევეცდები, მოგაწოდოთ ინფორმაცია რამდენიმე საკვების შესახებ, რომლებიც ხელს უწყობენ რძის სეკრეციის და აგრეთვე მისი სარგებლიანობის გაზრდა.

• შვრია (ე.წ. გერკულესი) ენერგიის ძალიან კარგი წყაროა.  ის ასევე კარგია საჭმლის მომნელებელი სისტემისათვის. საუზმეზე მიირთვით შვრიის ფაფა. იმ შემთხვევაში კი, თუ მისი გემო არ მოგწნთ, ფაფა შეგიძლიათ ნაკლებადტკბილი შვრიის ნამცხვრით ჩაანაცვლოთ

• ცერეცოს თესლი: იგი საგრძნობლად ზრდის რძის მოცულობას. გარდა ამისა, კარგია ჩვილისთვის, თუ მას კოლიკა აწუხებს. ცერეცოს თესლი შეგვიძლია დავუმატოთ ბოსტნეულის სალათს, ან რძეში გავურიოთ და ისე მივირთვათ.

• ისპანახი და ჭარხლის ფოთლები: ორივე მათგანი შეიცავს რკინას, კალციუმსა და ფოლიუმის მჟავას, რაც ძალიან სასარგებლოა ბავშვის ზრდა-განვითარებისათვის და მისწრებაა ანემიური დედიკოებისთვის. მიირთვით ზომიერი რაოდენობის ისპანახი, რადგან გადამატებულმა დოზამ, შესაძლოა დიარეა გამოიწვიოს თქვენს პატარაში.

• ნიორი: ნიორიც აგრეთვე ერთ-ერთი პირველია „რძისმომყვან“ პროდუქტთა შორის. გარდა ამისა, ის ამცირებს ყველა სახის სიმსივნის წარმოქმნას. ჩააგდეთ რამდენიმე კბიი ნიორი წვნიანში, ან დაუმატეთ სალათს.

• სტაფილო: სტაფილოს 1 ჭიქა წვენი საუზმეზე, ან სადილზე, ძალიან კარგია რძის სეკრეციის გასაზრდელად. იგი შეიცავს A ვიტამინს. შეიძლება ასევე სტაფილოს დამატება წვნიანში, გახეხილი სტაფილო ან გახეხილი სტაფილოს დამატება რძეში, მცირე რაოდენობით შაქართან ერთად.

• სატაცური: სატაცური შეიცავს დიდი რაოდენობით ბოჭკოვან ქსოვილს, A ვიტამინს, კალციუმს, ასტიმულირებს დედის ჰორმონებს, რომლებიც ზრდიან რძის გამოყოფას. შეგიძლიათ მოხარშოთ რძესთან ერთად, ან გამოიყენოთ სალათის ერთ-ერთ ინგრედიენტად. ასევე, გემრიელია მომზადებული ერბო-კვერცხთან ერთად.