როგორ დავეხმაროთ ბავშვს რომელსაც აბულინგებენ?

ბავშვების უმეტესობას ერთხელ მაინც ჰქონია შემთხვევა, როდესაც მისი დედმამიშვილი ან მეგობარი მას აჯავრებს/აბრაზებს. ამას ნამდვილად არ მოაქვს ზიანი ბავშვისთვის, თუ მსგავსი მოქმედება ხდება მეგობრულ, სათამაშო გარემოში. მაგრამ თუ ეს მოქმედება ხდება ბოროტული, მუდმივი და ბავშვს ტკივილს აყენებს, მას ეწოდება ბულინგი და აუცილებელია მისი შეჩერება.

ბულინგი – არის გამიზნული ზეწოლა ადამიანზე როგორც ფიზიკურად, ასევე სიტყვიერად და ფსიქოლოგიურად. მნიშვნელოვანია ბულინგთან სერიზული მიდგომა მის აღმოსაფხვრელად, წინააღმდეგ შემთხვევაში შედეგები შესაძლოა იყოს სავალალო.

როგორ დავეხმაროთ ბავშს ბულინგის დროს?

მშობელს შეუძლია ასწავლოს საკუთარ შვილს თუ როგრ გაუმკლავდეს ბულინგს. ზოგჯერ უფროსი ურჩევს მას, რომ ჩხუბს ჩხუბით უპასუხოს. სწორედ ეს არის მნიშვნელოვანი – არავითარ შემთხვევაში არ ურჩიოთ ბავშვს იგივე მეთოდით პასუხი, რადგან მსგავსი სიტუაცია ძალიან სწრაფად შეიძლება გადაიზარდოს მათი სიცოცხლისთვის საშიშ მდგომარეობად და ვინმე დაზიანდეს. საუკეთესო გზა არის მაქსიმალურად გაერიდოს სიტუაციას, რომლის დროსაც ხდება ბულინგი, მივიდეს სხვა თანატოლებთან ან ნაცნობებთან და შეატყობინოს უფროსს, ვისაც ეხება კონკრეტული ტერიტორიის ზედამხედველობა (მაგალითად: მასწავლებელი, დირექტორი, მანდატური და სხვა)

აქვე გეტყვით რამდენიმე რჩევას, რომელზეც შეგიძლიათ იმსჯელოთ ბავშვთან ერთად და რომლის წყალობითაც შესაძლებელია მდგომარეობის გაუმჯობესება

• მოარიდე თავი სიტუაციას, რომლის დროსაც ბულინგი ხდება და დაიხმარე მეგობრული გარემო – მაგალითად: გამოიყენე სხვა გასახდელი თუ იცი, რომ კონკრეტულ გასახდელთან მიახლოებისას მოსალოდნელია ბულინგი. ეცადე ყოველთვის მეგობართან ერთად იყო და არ დარჩე მარტო
• შეეცადე შეიკავო შენი ბრაზი/გაღიზიანება, რომელიც არის ბულინგის შედეგი – ბუნებრივია, რომ ბულინგის შედეგად ბავშვი შეიძლება ძალიან გაბრაზდეს. სწორედ ეს არის ბულინგის მთავარი მიზანი. მჩაგვრელი, რომელიც ახორციელებს ბულინგს სწორედ ამით იკვებება. თუ ის ნახავს, რომ მისი ბულინგის შედეგად ბავშვი გაბრაზდა, ატირდა და ა.შ.  ის გრძნობს, რომ ძალაუფლება მის ხელშია. ამიტომ მაქსიმალურად ეცადე, რომ რეაქცია არ გქონდეთ.
• იყავი უშიშარი და დააიგნორე ბულინგი – მტკიცედ უთხარი მჩაგვრელს რომ შეწყვიტოს ბულინგი, ამის შემდეგ კი გაერიდე იმ კონრეტულ ადგილს. ყველანაირად ეცადე დაანახო მას, რომ შენზე ბულინგი არ მოქმედებს, მაგალითად: აიღე ტელეფონი და გადაიტანე ყურადღება მასზე. დაანახე მჩაგვრელს, რომ შენზე მისი საქციელი არ მოქმედებს. საბოლოოდ, მას მოსწყინდება და თავს დაგანებებს.
• აუცილებლად უთხარი უფროსს – მასწავლებელს, დირექტორს, მშობელს, მანდატურს და ა.შ.