ბედნიერი ჩვილი – 8 ნიშანი

ახალი დედის პარანოიების მოკლე ჩამონათვალი: კარგად სძინავს ჩემს პატარას? როგორ ჭამს? ამდენს უნდა ტიროდეს? დაწყნარდით! გადაიკითხეთ 8 ნიშანი, რომლებიც დაგარწმუნებთ, რომ თქვენი პატარა ბედნიერი და ჯანმრთელია.

1. ბავშვი მშვიდდება თქვენს შეხებასა და ხმაზე

ეს იმას ადასტურებს, რომ ჩვილთან კარგ ურთიერთობას ავითარებთ. მუცელში ყოფნისას თქვენი ხმა პატარას საუნდტრეკივით ესმოდა. ჩვილი პატარა სივრცეში ყოფნას არის მიჩვეული, სადაც თავს გადასარევად გრძნობდა და თქვენი ხმაც იმქვეყნიური სამყაროს მნიშვნელოვანი ნაწილი იყო. დაბადების შემდეგ, თქვენი სხეულის სითბოს შეგრძნება და თქვენი სასიამოვნო ხმის გაგონება იმ მშვიდ სამყაროს ახსენებს.

1. 8-10 პამპერს უცვლით ყოველ დღე

საიდან უნდა მიხვდეთ, ბავშვი იღებს თუ არა საკმარის რძეს? ყოველდღიურად 8-10 პამპერსის გამოცვლა ზუსტად რომ ამის დასტურია და ასევე იმისი, რომ პატარა კარგი ტემპებით იზრდება. გახსოვდეთ, რომ ჩვილების კვების მოთხოვნილება საკმაოდ ცვალებადია, ერთ დღეს შეიძლება ბევრი ჭამონ და მეორე დღეს ბევრად ნაკლები. არ ინერვიულოთ, მთავარია, ბავშვი წონაში იმატებდეს.

1. ბავშვი წყნარი და დაკვირვებულია (დღეში რამდენიმეჯერ მაინც)

ეს იმის დასტურია, რომ ჩვილი ნელ-ნელა იწყებს სამყაროს აღქმასა და მის შეცნობას. ჩვილის პირველი რამდენიმე კვირა ჭამითა და ძილით განისაზღვრება, შუალედურ პერიოდებში მხოლოდ ტირილს თუ დავამატებთ. რაღაც მომენტში, ბავშვის თვალის კუნთები დაიწყებს მოძლიერებას და ფოკუსირებას  საგნებზე (განსაკუთრებით თქვენზე). აი, იმ მომენტში მიხვდებით, როგორ სწრაფად დაიწყებს სამყაროს ათვისებას, როცა ჩვილი უფრო ჩუმი და ყურადღებიანი გახდება.

1. ჩვილი ახალი ხმებისკენ ტრიალდება და ჩუმდება მოსასმენად

ეს ნიშნავს, რომ მისი სმენა ვითარდება და მისი ტვინი ცდილობს, ხმები გამოარჩიოს. ჩვილებს დაბადებიდან ესმით ეს ხმა. ის, რომ კონდიციონერის უაზრო ხმა უფრო უინტერესოა, ვიდრე მისი უფროსი დის სიცილი, ჩვილში ეტაპობრივად ვითარდება. მუსიკა განსაკუთრებულ ინტერესს იწვევს, არავითარი მნიშვნელობა არა აქვს, სათამაშოდან მოდის თუ მობილურიდან. როცა შეამჩნევთ, რომ ბავშვი მუსიკასა და მის წყაროზე რეაგირებს, მიხვდებით, რომ ბავშვს ჯანსაღი სმენა აქვს და აინტერესებს, რას უსმენს.

1. უყურებს ფერებს, მოძრაობასა და ფორმებს

მხედველობა იხვეწება და ტვინის განვითარება წინ მიდის. შეიძლება ვერ იფიქროთ, რომ ჭაღის ყურება პროგრესად შეიძლება ჩაითვალოს, მაგრამ ეს ზუსტად ასეა. ბავშვებს დაბადებისას 20% მხედველობა აქვთ და მხოლოდ 30 სმ-ში ხედავენ. რადგან ბავშვებს კარგი მხედველობა არა აქვთ, მათ ყურადღებას კონტრასტული ფერები იქცევს.

1. ჩვილი გიყურებთ, გიღიმით და გეპრანჭებათ კიდეც.

ეს ნიშნავს, რომ ბავშვი სოციალური ხდება. პირველი თვალის კონტაქტი 1 თვის ასაკში ხდება. 2 თვის ასაკში უკვე იღიმის, 4 თვის ასაკში – იცინის. 5 თვის ასაკში, უკვე იმდენად სოციალური ხდება, რომ თუ გაუცინებთ, დიდი შანსია, რომ გაგიღიმოთ, ანუ რეფლექსი ხდება. ეს ყველაფერი მნიშვნელოვანი ეტაპებია ადრეული ლინგვისტური განვითარების პროცესისთვის. ჩვილები სხეულის ენას და სახის მიმიკას იყენებენ კომუნიკაციისთვის, სანამ ლაპარაკს დაიწყებენ. როცა ჩვილი გაუგებარ ხმებს უშვებს, ჩათვალეთ, რომ  მის ვოკალურ ბგერებს ამოწმებს და სულ მალე დაიწყებს ლაპარაკს.

1. ნაკლებს ტირის და უფრო სისტემურად სძინავს.

ეს ნიშნავს, რომ ნერვიული სისტემა მწიფდება. რაღაც მომენტში, იგრძნობთ ბავშვის რუტინაში ცვლილებას. შეიძლება დღის განმავლობაში რამდენჯერმე დაიძინოს და ღამე უკეთესად ძილი დაიწყოს. ეს, როგორც წესი, 4 თვემდე ხდება.

1. ბავშვს შეუძლია თავისი წონის დაძლევა.

ჩვილს თავისი პატარა კუნთები უვითარდება. შეამჩნევთ, რომ  1 თვეში ბავშვს მომენტალურად შეუძლია თავის დაჭერა (წამიერად). 3 თვემდე უფრო ხშირად და  გამბედავად ახერხებენ. აუცილებლად დაეხმარეთ პატარას კუნთების განვითარებაში, მუცელზე დაწოლით. მუცელზე დაწოლა ჩვილის პირველი და აუცილებელი ვარჯიშია (ჩვილის მუცელზე დაწოლის ინსტრუქციაზე გადადით აქ).