საუზმე – რა ვაჭამოთ ბავშვს?

საუზმე დღის საუკეთესო დასაწყისია, თუმცა ბავშვები ხშირად მასზე უარს ამბობენ. ჩვენი, როგორც მშობლების მოვალეობაა შევაყვაროთ მათ დილით საკვების მიღება.

ბავშვის ორგანიზმს 8-12 საათიანი ძილის და შიმშილის შემდეგ ესაჭიროება ენერგიით შევსება, რაშიც დიდი როლი სწორედ საუზმეს მიუძღვის

ბავშვები, რომლებიც დილით საუზმობენ, შემდეგ მთელი დღის განმავლობაში უფრო ჯანსაღად იკვებებიან, მონაწილეობენ სხვადასხვა ფიზიკურ აქტივობებში, ისინი იღებენ საკმარისი რაოდენობით კალციუმს და სხვა მნიშვნელოვან ელემენტებს. საუზმე მათ აგრეთვე ეხმარება წონის კონტროლში.

საუზმის გამოტოვება ბავშვებში იწვევს დაღლილობას, გაღიზიანებადობას, მოუსვენრობას. ისინი დღის დანარჩენ მონაკვეთში უფრო მეტ კალორიას იღებენ, რასაც შემდეგ სიმსუქნემდე მივყავართ.

ბავშვის დილის რაციონი უმჯობესია შედგებოდეს ცილებით,  უჯრედისით მდიდარი საკვებისაგან და სრულმარცვლოვანი პროდუქტებისგან. შეგიძლიათ თქვენს შვილს შესთავაზოთ:

• ყავისფერი ბრინჯი
• ხილი
• ბოსტნეული
• ნაკლებცხიმიანი რძე
• კვერცხი
• თხილი
• პარკოსანი მცენარეები

არ მისცეთ მას დამატებითი შაქრის შემცველი პროდუქტები როგორებიცაა, მაგალითად: ნამცხვრები, დონატები, კრუასანები, გამაგრილებელი გაზიანი სასმელები, ღვეზელები და ა.შ

იმისათვის რომ დილას მოასწროთ როგორც ბავშვის კვება, ისე თქვენი თავის მოწესრიგება, ადექით 15 წუთით ადრე, ვიდრე დაგეგმილი გქონდათ, მოიმარაგეთ ჯანსაღი საუზმის სხვადასხვა ვარიანტები და მიეცით ბავშვს საშუალება თვითონ გააკეთოს არჩევანი.

არ დაგავიწყდეთ, რომ საკვები გზად გაატანოთ ბავშვს იმ შემთხვევაში, თუ არ ისურვა სახლში ჭამა და გახსოვდეთ, რომ თქვენ მისთვის საუკეთესო მაგალითი ხართ. ანახეთ, თუ როგორი სიამოვნებით მიირთმევთ საუზმეს.