სათამაშოები 6-იდან 9 თვემდე ბავშვებში

უკვე შეამჩნევდით, რომ 6-იდან 9 თვემდე ასაკში თქვენი პატარა უფრო ენერგიული გახდა. ის უფრო აქტიურად და ხმაურიანად თამაშობს. ამ პერიოდში ის ასევე აცნობიერებს, რომ ობიექტი მაშინაც არსებობს, როცა ის მას ვერ ხედავს. ეს კი იმას ნიშნავს, რომ თქვენი პატარა იწყებს თავისი საყვარელი ფუმფულა სათამაშოს მონატრებას და ირგვლივ თვალების ცეცებით მის ძებნას.

ბავშვები ამ პერიოდში უფრო მოქნილებიც ხდებიან. თანდათან ავითარებენ მოძრაობებს, ჯდებიან დამოუკიდებლად, ტრიალებენ ზურგიდან მუცელზე და უკან, დახოხავენ იატაკზე და ავეჯის დახმარებით წამოდგომასაც ახერხებენ.

როგორ დავეხმაროთ მათ სათანადოდ განვითარებაში?

• ამ ასაკში კითხვა ხდება ინტერაქტიული და სახალისო ორივე თქვენგანისათვის. წიგნი ეხმარებათ პატარებს ენობრივი უნარების განვითარებაში. დიდი, ნახატებიანი წიგნები კარგად ფუნქციონირებენ ამ პერიოდში. მას შემდეგ, რაც წაუკითხავთ მას რამეს, მიაწოდეთ და მიეცით უფლება თავადაც დაეკონტაქტოს წიგნს, გადაფურცლოს, დაათვალიეროს და „წაიკითხოს“.
• ამ ასაკში თქვენი პატარა აცნობიერებს, რომ მას შეუძლია მოქმედება. საგნების დაგრეხა, მოჭყლეტა, იატაკზე დაგდება, გახსნა და მსგავსი ქმედებები აღფრთოვანებაში მოიყვანს მას. ასე რომ, ასაწყობი, ერთმანეთში ჩასაჯენი და ბერკეტიანი სათამაშოებით უზრუნველყოფა ნამდვილი სიამოვნება იქნება მათთვის. ამ პერიოდში ბავშვებს უყვართ ბანაობისას ჭიქით თამაში, კერძოდ კი, ბანაობის პარალელურად, მისი წყლით ავსება და დაცლა.
• პატარები ამ ასაკში ხშირად ავლენენ „მიჯაჭვულობას“ ერთი რომელიმე მისთვის განსაკუთრებით საყვარელი სათამაშოს მიმართ. გირჩევთ მოაშოროთ თქვენს შვილს ყველა ის სათამაშო, რომელიც პატარა ზომის და ადვილად გადასაყლაპია. ასევე ნუ ათამაშებთ შვილებს მძიმე მასის მქონე სათამაშოებით, რომლის აწევაც ბავშვს გაუჭირდება. ასევე სასურველია, რომ რბილი სათამაშო, რომლითაც თქვენი შვილი თამაშობს იყოს ცეცხლგამძლე (წარწერით იარლიყზე: flame resistant ან flame retardant)
• შეგიძლიათ ეთამაშოთ ამ ასაკის პატარებს ბურთით. გაითვალისწინეთ, რომ ბურთის დიამეტრი სულ მცირე 4,5 სმ მაინც იყოს, უსაფრთხოების მიზნით.
• სათამაშოები, რომლებიც სხვადასხვა ხმებს გამოსცემენ ასევე საყვარელი გასართობია ამ ხნის ბავშვისათვის. ჩვენს დროში კი მათი ნამდვილად ფართო არჩევანია. გაითვალისწინეთ, რომ არაა რეკომენდებული ძალიან მაღალი ხმის მქონე სათამაშოები, რადგან მათ სმენის დარღვევა შეიძლება გამოიწვიონ.

nido.ge-ს ჩვილის სათამაშოები შეგიძლიათ იხილოთ აქ