რატომ არის მნიშვნელოვანი ბავშვის პატივისცემა

ყველა ვიცნობთ დედებს, რომლებიც ბრძანებებით ზრდიან ბავშვს: „სასწრაფოდ ჩაიცვი!“, „თმა დაივარცხნე, ჩქარა“! შემდეგ კი უკვირთ, რატომ არ არიან ბავშვები თავაზიანები და რატომ არ უყვართ მადლობის გადახდა. თითქოს ხომ ადვილია იმის დანახვა, თუ რატომ ხდება ეს ასე? თუმცა მშობლები ამას რატომ ვერ ხედავენ, უცნაურია…

მშობლების აზრით ბავშვები უნდა აკეთებდნენ იმას, რასაც ეტყვი (თუნდაც უხეშად), მაგრამ, როდესაც ჯერი ბავშვზე მიდგება აქ ბავშმა თავაზიანობა უნდა გამოიჩინოს უფროსის მიმართ. ბავშვი არ უსმენს რა ლექსიკით ელაპარაკებით უფროსებს. ისინი  თქვენს დამოკიდებულებას და მბრძანებლურ ტონს აღიქვავენ, როგორც ზოგად საკომუნიკაციო და სასაუბრო ენად. სწორედ ამიტომ, როგორი ლექსიკითა და  ტონითაც ესაუბრებით მას, ისიც ანალოგიურად გელაპარაკებათ. თუ თქვენ პატივისცემას მის მიმართ არ გამოიჩენთ, ისინი არც თქვენ მოგექცევიან პატივისცემით.

ბავშვი მალე შეეჩვევა, რომ „გთხოვ, კბილები გამოიხეხო,“ მიუხედავად თავაზიანი ფორმისა, კბილების არგამოხეხვის შანსს არ ტოვებს, ამიტომ გამოდის, რომ კარგ მანერებს ასწავლით საუკეთესო გზით – მაგალითით.

პირადი მაგალითით მხოლოდ მანერების სწავლით ნუ შემოიფარგლებით. არასდროს, არასდროს (!) შეპირდეთ იმას, რასაც ვერ აუსრულებთ. არასდროს მოატყუოთ (თოვლის ბაბუა არ ითვლება) და არასდროს არ შეიგინოთ მისი თანდასწრებით, თუ არ გინდათ, რომ მოგბაძონ.

ბავშვი, რა თქმა უნდა, მსოფლიოში ყველაზე უფრო გიყვართ (ქმართან ერთად