როგორ გავამარტივოთ ბავშვის კვება?

წარმოგიდგენთ რამდენიმე მარტივ სტრატეგიას ბავშვის კვებისთვის:

• დაიწყეთ დღე ნამდვილი საკვებით – საუზმე არის ერთერთი ყველაზე მარტივი ნაწილი ბავშვების კვებაში. ამ დროს საკმარისია მინიმალური ,,მომზადება’’ – შეგიძლიათ მისცეთ ორგანული იოგურტი შაქრის დაბალი შემცველობით.
• გააკეთეთ ისე, რომ საკვები იყოს ადვილად საჭმელი – ერთი წლის ასაკში ბავშვებს უკვე შეუძლიათ და ასევე მოსწონთ საკვების ხელში დაჭერა და დამოუკიდებლად ჭამა. მაგალითად: შეგიძლიათ მისცეთ ბანანის ნაჭერი.
• გააკეთეთ ისეთი სადილი, რომელსაც მთელი ოჯახი შეჭამს – ეს არის ძალიან მნიშვნელოვანი რჩევა. არ მოამზადოთ საჭმელი ცალკე თქვენი პატარასთვის. მოამზადეთ ისე, რომ მთელმა ოჯახმა მიირთვას ბავშვთან ერთად.
• მოამზადეთ ტკბილეული ბუნებრივი გზით, სახლის პირობებში – შეგიძლიათ გაყინოთ სხვადასხვა ხილის იოგურტი და შესთავაზოთ ის ბავშვს როგორც ნაყინი.
• გამოიყენეთ კვერცხი და თქვენ გაიმარჯვებთ – როდესაც ბავშვი უარს ამბობს შეთავაზებულ რამდენიმე სახის საკვებზეც კი, სცადეთ ათქვეფილი კვერცხის მომზადება. საკუთარი გამოცდილებით გეტყვით რომ შეგიძლიათ ათქვეფილ კვერცხში ჩაყაროთ პურის გულები და ისე შეწვათ. პატარები ამას გაცილებით უკეთ ჭამენ , ვიდრე ჩვეულებრივად შემწვარ კვერცხს.
• მოამზადეთ ბავშვისთვის საყვარელი საკვების თქვენებური ვერსია – მაგალითად, ბავშვების უმეტესობას ძალიან უყვარს ფრი. გარეთ ყიდვის ნაცვლად შეგიძლიათ საკუთარი ხელით დაამზადოთ ის: გაფცქვნილ და დაჭრილ კარტოფილს მოასხით ზეითუნის ზეთი, შედგით ღუმელში და არ გამოიღოთ მანამ, სანამ არ დაიბრაწება.
• იყავით მომთმენი – ცნობილია, რომ ბავშვს სჭირდება 7 მცდელობა მაინც, სანამ ახალ გემოს მიეჩვევა. ასე რომ, არავითარ შემთხვევაში არ ჩაიქნიოთ ხელი, თუ თქვენს პატარას ახალი საკვები არ მოეწონა. სცადეთ რამდენჯერმე.