ლურჯი სუფრა
ჭურჭელი
ხალიჩები
აბრეშუმის შარფები
სამკაული
მაჯის საათები
ბალიშები და პლედები
საბავშვო წიგნები
უცხოელი ავტორები
უცხოენოვანი
ფანტასტიკა
ქართველი ავტორები
სახელმძღვანელოები
როგორ ვაჭამოთ ბავშვს უფრო ადვილად?
- მიეცით საჭმელი რომელიც მარტივად იჭმევა
ბავშვებს უყვართ ისეთი საკვები, რომლის ჭამაც დამოუკიდებლად შეუძლიათ. მიეცით მათ ხშირად ისეთი საკვები, რომელსაც თავისუფლად დაიჭერენ ხელში და მარტოც გაართმევენ თავს ჭამას. - გახადეთ სადილი მთელი ოჯახისათვის სასიამოვნო რიტუალი
არ მოამზადოთ ცალკე მხოლოდ თქვენი პატარა შვილისათვის, მოამზადეთ მთელი ოჯახისათვის. როცა პატარა ხედავს, რომ მთელი ოჯახი მიირთმევს განსხვავებულ საკვებს და მხოლოდ მას უწევს თავისი საჭმლის ჭამა, ამის გამო პროტესტის გრძნობა უჩნდება. - ჩაანაცვლეთ ნაკლებად სასარგებლო საკვები
მაგალითად, თუ არ გინდათ თქვენმა შვილმა ნაყინი მიირთვას, შეგიძლიათ ჩაასხათ იოგურტი ნაყინის მსგავს ფორმაში და გაყინოთ საყინულეში. ის ჩვეულებრივ ნაყინზე ბევრად სასარგებლო იქნება თქვენი ბავშვისათვის. - გეგმა ყოველი შემთხვევისათვის
თუ თქვენი შვილი უარს ამბობს კვებაზე და ჭირვეულობს მთელი დღის განმავლობაში, გამოიყენეთ მისთვის საყვარელი საკვები ამ დღეს. ან შესთავაზეთ ისეთი რამ, რაც აქამდე უცხო იყო მისთვის. ასევე შეგიძლიათ იგივე საჭმელი სხვაგვარად გაფორმებული მიართვათ. გამოიჩინეთ მეტი კრეატიულობა და ისიც აუცილებლად დაინტერესდება სიახლით. - ჩაანაცვლეთ ე.წ. Fast Food-ები სახლში გაკეთებულით
ალბათ თქვენი შვილიც სიამოვნებით მიირთმევს კარტოფილი-ფრის და ჰამბურგერებს. ეს სულაც არაა გადაუჭრელი პრობლმა, მათი დამზადება სახლშიც შეგიძლიათ.
მაგალითად, დაჭერით სასურველ ზომებად კარტოფილი, მოასხით მას ზეითუნის ზეთი და გამოაცხვეთ ღუმელში მანამ, სანამ კარგად დაიბრაწება. ასევე შეგიძლიათ მოამზადოთ ჰამბურგერები ახლადდაჭრილი ბოსტნეულითა და თქვენივე მომზადებული ხორცითა და სოუსით.
ამასთანავე თუ თქვენს პატარას საშუალებას მისცემთ თვითონაც მიიღოს მონაწილეობა მზარეულობაში, დამერწმუნეთ უფრო დიდი ხალისით მიირთმევს ამგვარად მომზადებულ საკვებს.
