კენგურუ – დადებითი მხარეები და მისი გამოყენების წესები

არ არსებობს ორი აზრი იმის შესახებ, რომ კენგურუ არის  კომფორტული და უსაფრთხო გზა ბავშვის სატარებლად. თუმცა, კენგურუს შერჩევისას მშობლებს უჩნდებათ უამრავი კითხვები:

რა არის კენგურუს დადებითი მხარეები?

კენგურუში ბავშვი არის თქვენთან ახლოს. გარდა ამისა, თქვენ არ გიწევთ მისი ხელში ჭერა, რაც ხშირად ხდება მხრების და ხელების ტკივილის მიზეზი. კენგურუ განასკუთრებით კარგია მოგზაურობისას ან ვინმესთან სტუმრობისას. ასევე, შეგიძლიათ ბანკის რიგში მშვიდად იდგეთ, ისეირნოთ ზღვის სანაპიროზე ბავშვთან ერთად და ა. შ.

რა ასაკიდან შეიძლება ბავშვის კენგურუში ჩასმა?

თეორიულად, ახალშობილსაც კი შეუძლია კენგურუში ყოფნა. მაგრამ უნდა გაითვალისწინოთ ერთი რამ: ბავშვი უნდა იყოს 4-5 თვის მაინც, სანამ მისი კუნთები იმდენად გაძლიერდება,  რომ ის შეძლებს თავის დაჭერას. გარდა ამისა, ახალშობილისთვის კენგურუ შესაძლებელია არაკომფორტული აღმოჩნდეს. ამიტომ უმჯობესია კენგურუს გამოყენება დაიწყოთ მაშინ, როდესაც თქვენი პატარა შეძლებს თავის დაჭერას. საშუალოდ ეს არის 4-5 თვის ასაკი.

რა წონას უძლებს კენგურუ?

მწარმოებლის მიხედვით, კენგურუ მორგებულია ბავშვის სხვადასხვა წონას. საშუალოდ, დაბადებისას ბავშვები იწონიან 3-3.5 კგ-ს, შემდეგი 12 თვის განმავლობაში კი ნელნელა იმატებენ 5-6 კგ-ს. კენგურუების უმეტესობა შექმნილია 3-დან 18 კგ-მდე ბავშვებისთვის.

არის თუ არა კენგურუ უსაფრთხო ბავშვის ბარძაყებისთვის?

თუ არ არის შენარჩუნებული სწორი პოზა კენგურუში ჯდომისას,  ბავშვს შესაძლოა დაუზიანდეს ბარძაყი და შედეგად მიიღოთ ბარძაყის დისპლაზია ანუ ბარძაყების არასწორი ფორმირება. თუ ბავშვის ფეხები 3 წლის ასაკამდე  მუდმივად ქანაობს გვერდებზე, ამან შესაძლოა გამოიწვიოს ბარძაყების ქრონიკული პრობლემები.

თუმცა, თუ კენგურუ არის კარგი ხარისხის,  ის აუცილებლად უზრუნველყოფს საყრდენს ბავშვის ფეხებისთვის და მსგავსი პრობლემა არ წარმოიშვება.