როგორ გავზარდოთ ბავშვის IQ? – დადასტურებული 9 მეთოდი

კვლევებმა აჩვენა, რომ შესაძლებელია ბავშვის ინტელექტუალური და კრეატიული შესაძლებლობების გაზრდა. საიდუმლო კი მდგომარეობს მისი ცხოვრების პირველი ათი წლის სათანადოდ გამოყენებაში. დროის ამ მნიშვნელოვან მონაკვეთში, ბავშვის ტვინში წარმოიქმნება კომპლექსური ნეირონული ქსელები. სწორედ ამიტომაა მნიშვნელოვანი, ამ უნიკალური პერიოდის სწორად და სასარგებლოდ გამოყენება.

გთავაზობთ სხვადასხვა კვლევით დამტკიცებულ მეთოდებს, რომლებიც დაგეხმარებათ  გაზარდოთ თქვენი შვილის გონებრივი მონაცემები.

• საკმარისი ძილი
  სხვადასხვა კვლევის მიხედვით, ბავშვს სჭირდება მინიმუმ 8 საათი ძილი დღე-ღამეში, მისი სხეულისა და ტვინის ნორმალურად დასვენებისა და განვითარებისათვის.
• ჯანსაღი საუზმე
  საუკეთესო სახის საუზმე არის კარბოჰიდრატებითა და ბოჭკოვანით მდიდარი საკვები. (მაგ. შვრია და ხილ-ბოსტნეული).
• ერთ ენაზე მეტის სწავლა
  კვლევების მიხედვით, ბავშვს შეუძლია ისწავლოს 4 ენა, შესანიშნავი მეტყველებითა და გამოთქმით. 2 ან მეტი ენის მცოდნე ბავშვები ფლობენ მაღალ ლიტერატურულ უნარებს, აქვთ მაღალი კონცენტრაციის უნარი და სტრესულ სიტუაციებში უკეთეს კონცენტრაციას ავლენენ.
• პრაქტიკული სწავლება
  თუ დავუჯერებთ მეცნიერებს, სატელევიზიო პროგრამები არ უწყობენ ხელს ბავშვების გონებრივ განვითარებას. განვითარებისათვის საუკეთესოა ის აქტივობები, რომლებიც მოითხოვენ ფიზიკურ ჩართულობასაც. წაკითხვის შემდეგ სთხოვეთ შვილს, საკუთარი სიტყვებით გადმოგცეთ წაკითხულის შინაარსი, ან დახატოს ის რაც წაკითხულისგან გაიგო.  ბავშვებს იშვიათად ავიწყდებათ ის, რაც მოქმედებით აქვთ გამეორებული და ნასწავლი.
• გონების თამაშები
  ჭადრაკი, კროსვორდის ტიპის თამაშები და მრავალფეროვანი თავსატეხები ხელს უწყობენ ლოგიკური და კრიტიკული აზროვნების განვითარებას და ლექსიკის გამდიდრებას.
• წააკითხეთ თქვენთან ერთად
  უმეტესად, მშობლები ბავშვებს თავად უკითხავენ ძილის წინ, მაგრამ მეცნიერები ამბობენ, რომ უმჯობესია, თუ ისინი თქვენთან ერთად ჩაერთვებიან კითხვის პროცესში. წაახალისეთ ბავშვი, რომ ყურადღება მიაქციოს წიგნში მოცემულ სურათებს და წაკითხულ სიტყვებს.
• ჩართეთ სპორტული აქტივობები ყოველდღიურობაში
  სპორტული ცხოვრება ხელს უწყობს მეხსიერების განვითარებას. ბავშვებმა იმდენივე დრო უნდა გაატარონ აქტიურად, რამდენიც წიგნებთან. არ აქვს მნიშვნელობა, ეს იქნება გიმნასტიკა, ველოსიპედის ტარება, ლახტით ხტომა თუ ცეკვა.
• ბედნიერი ბავშვები, როგორც წესი, უფრო ჭკვიანებიც არიან!
  ყველაზე ადვილი გზა ბედნიერი ბავშვის გასაზრდელად, არის ბედნიერ მშობლად ყოფნა. ბავშვები, რომლებიც სიყვარულით არიან აღზრდილები, უფრო ადვილად იმკვიდრებენ ადგილს საზოგადოებაში.
• გჯეროდეთ თქვენი შვილის!
  დაუკვირდით, როგორ ესაუბრებით ბავშვს, აჩვენეთ მას სიყვარული და ნდობა. ბავშვებს სურთ იცოდნენ, რომ თქვენ მათი შესაძლებლობების გჯერათ. ისწავლეთ, უთხრათ მათ: „შენ ეს შეგიძლია!“ „ დიდებულად გამოგდის!“თუ გინდათ თქვენი შვილი გონიერი იყოს, დაიჯერეთ, რომ ეს უკვე ასეა!