როგორ მოქმედებს დასასვენებლად გამგზავრება ბავშვის გონებრივ განვითარებაზე?

ჩვენ, უფროსები, შვებულებაში გასვლამდე წუთებს ვითვლით. ბავშვებისთვის დასვენება, კიდევ უფრო განსაკუთრებულია. ახალი კვლევების მიხედვით, დასვენების ეფექტი ბავშვების განვითარებაზე, გაცილებით უფრო დიდი ყოფილა ვიდრე წარმოგვედგინა.

ოჯახის დასვენება კიდევ უფრო დიდ მნიშვნელობას იძენს თუ ყურადღებას მივაქცევთ რა ტიპის ინტერაქცია ხდება სახლში.

• მშობლებსა და ბავშვს შორის საუბრის ორი მესამედი ყოველდღიურ რუტინას ეხება
• გამოკითხული ბავშვების 65% იძახის, რომ მშობლებთან ერთად იშვიათად თამაშობს
• ექვსიდან 1 მამა ამბობს, რომ ბავშვთან როგორ უნდა ითამაშონ არ იცის, ხოლო, ერთი მესამედი იძახის, რომ სათამაშოდ დრო არა აქვს
• გამოკითხული ბავშვების მხოლოდ მეოთხედი ამბობს, რომ მშობლებს მნიშვნელოვან თემაზე კვირაში ერთხელ მაინც ელაპარაკება

ჩვენ ვღელავთ ჯანმრთელობაზე, თუმცა, არანაკლები ყურადღება უნდა მივაქციოთ ოჯახში ჯანსაღი ურთიერთობების შენარჩუნებას. კვლევების მიხედვით, ოჯახში ჯანსაღი ურთიერთობები, ფიზიკური ჯანმრთელობის საწინდარია.

ბავშვის ტვინის განვითარება

დასასვენებლად წასვლა ბავშვის ტვინის განვითარებას უწყობს ხელს.

მსოფლიოს წამყვანმა ნეირომეცნიერმა და ვაშინგტონის სახელმწიფო უნივერსიტეტის პროფესორმა ჯექ ფანსკეფმა, აღმოაჩინა ტვინში განთავსებული სისტემები, რომლებიც სახლის პირობებში ხშირად ‘გაუვარჯიშებელი’ რჩება.

თუმცა, ოჯახური დასვენების დროს ეს სისტემები აქტივაციას იწყებენ, რის შედეგად ტვინი გამოიმუშავებს ისეთ ნეიროქიმიურ ნივთიერებებს, რომლებსაც, მათი დადებითი თვისებების გამო, მეცნიერები „კეთილდღეობის“ ნივთიერებებს ეძახიან.

ამ სისტემების აქტივაცია, ტვინის ზრდას და განვითარებას უწყობს ხელს. ეს ყველაფერი კი, ტვინის ცენტრალურ ხვეულში ხდება, რომელსაც ჩვენი კოგნიტიურ ფუნქციები, სოციალურ ინტერაქციები და საქმეზე ფოკუსირების უნარები „აბარია“.

რაც კიდევ უფრო გასაოცარია, არის ის რომ ეს სისტემები, კუნთების თვისებებს ავლენენ, რაც იმაში გამოიხატება, რომ რაც უფრო ხშირად ხდება სისტემების აქტივაცია, მით უფრო ინტენსიურად ხდება დადებითი თვისებების გამტკიცება ხასიათში, ანუ ემოციური მდგომარეობა გარდაიქმნება პიროვნულ მახასიათებლებში.

ბავშვის კონცენტრაციის უნარი

რას ამბობს მეცნიერება ბავშვის ღია ცის ქვეშ ყოფნაზე?

ბუნებაში მხოლოდ 20 წუთი ყოფნა აუმჯობესებს ბავშვის კონცენტრაციის უნარს. “ყურადღების დეფიციტისა და ჰიპერაქტიური სინდრომის” (ADHD) მქონე ბავშვებისთვის სიმწვანეში თამაშს, იგივე ან უკეთესი შედეგი აქვს რაც წამლებს.

კვლევები ასევე ადასტურებს, რომ სიმწვანეში სეირნობა აწყნარებს სხეულს, არეგულირებს წნევას და ამცირებს სტრესის ჰორმონებს.

არის თუ არა კავშირი დასვენებასა და ინტელექტის კოეფიციენტს (IQ) შორის?

ახალი გარემო –  ახალი გამოცდილებების, სოციალური ინტერაქციების და უცნობი შეგრძნებების შესაძლებლობას იძლევა.

წარმოიდგინეთ: ოჯახის წევრები აუზში, ტყეში სეირნობა, ბალახზე დაწოლა, სოკოს დაკრეფვა, სანაპიროზე გასეირნება…

ასეთი ტიპის ახალი გარემოებები, ტვინის “სასუქია” და ხელს უწყობს მის ფუნქციურ ნაწილს: სტრესის რეგულაციას, კონცენტრაციას და სწავლის უნარს. ეს ყველაფერი კი ინელექტის მაღალ კოეფიციენტში გადაიზრდება.

მეცნიერების დასკვნა ასეთია: დახარჯეთ დრო ახალი ადგილების და გარემოების აღმოსაჩენად და თქვენი ბავშვი უფრო ჭკვიანი გაიზრდება.

თუ ფიქრობთ ბავშვს ახალი ტელეფონი უყიდოთ თუ დასასვენებლად წახვიდეთ, იმედია მეტს აღარ დაფიქრდებით. დასვენება უკონკურენციოა!