როგორ მოვიქცეთ თუ ჩვენი შვილი იტყუება?

ბავშვები ტყუილის თქმას დაახლოებით 2 წლის ასაკიდან იწყებენ და ეს მათი ნორმალური განვითარების ნაწილია.

4-6 წლის ასაკში მათ მიერ ნათქვამი ტყუილი უკვე სახის გამომეტყველებასაც შეესაბამება. სკოლის ასაკში კიდევ უფრო “უკეთესად” იტყუებიან.

8 წლის ასაკითვის მათ უკვე ისე წარმატებით შეუძლიათ ტყუილი, რომ შესაძლოა ვერც კი შეამჩნიოთ, ასაკის მატებასთან ერთად ტყუილი შეიძლება ბავშვის ჩვევა გახდეს, რა დროსაც ჩარევა აუცილებელია

რატომ იტყუებიან ბავშვები?

ისინი ზედმეტად პატარები არიან და ვერ აღიქვამენ, რომ სიმართლის თქმა სწორი საქციელია, ტყუილის თქმა კი, არასწორი. ხშირად იტყუებიან იმას, რაც სურთ რომ სიმართლე იყოს. ცდილობენ ასე მიიქციონ გარშემომყოფების ყურადღება. ამ გზით თავიანთ მონათხრობს უფრო საინტერესოს და ამაღელვებელს ხდიან. თვლიან, რომ ასე აირიდებენ პრობლემებს მშობლებთან. ხშირ შემთხვევაში, სწორედ ტყუილი ეხმარება მათ მიიღონ ის, რაც უნდათ.

დიდი ასაკის ბავშვები ამბობენ ე.წ “თეთრ” ტყუილებს, რათა გული არ ატკინონ სხვა ადამიანს. მაგალითად, ისინი გამოხატავენ მადლიერებას საჩუქრისთვის, რომელიც არ მოეწონათ.

როგორ მოვიქცეთ, თუ ბავშვი იტყუება?

• თუ თქვენი შვილი იგონებს გარკვეულ ამბებს, მოიწონეთ მისი წარმოსახვის და ამბის თხრობის უნარი. ეს წაახალისებს მათ ფანტაზიის უნარს, და არა მათ ტყუილს.
• არ ჩააგდოთ ისეთ სიტუაციაში, სადაც  იცით, რომ  დიდი ალბათობით მოიტყუება
• გამოააშკარავეთ მისი ტყუილი
• ეცადეთ წაუკითხოთ ისეთი წიგნები, ან მოუყვეთ ისეთი ამბები, სადაც მნიშვნელობა ენიჭება სიმართლის თქმას
• აუხსენით ბავშვს, რომ თქვენი ოჯახისთვის პატიოსნება ერთ-ერთი მთავარი ღირებულებაა
• შეაქეთ, როცა სიმართლეს იტყვის. განსაკუთრებით მაშინ, თუ იგი არასწორად მოიქცა
• თქვენ თვითონ იყავით მართლები მათ მიმართ და შეასრულეთ დანაპირები