როგორ შევაჩვიოთ ბავშვი ქველმოქმედებას?

ქველმოქმედება და სოციალური პასუხიმგებლობა ბოლო წლებში განსაკუთრებით აქტუალური გახდა. სოციალური სიდუხჭირე და ბუნებრივი კატაკლიზმები, რომლებიც პერიოდულად იქცევს მედიის ყურადღებას, ბევრ ჩვენგანს თანაგარძნობის შეგრძნება გაუმძაფრა და სიკეთის კეთებისკენ უბიძგა.

მძიმე სოციალურ ფონზე, სულ უფრო ადრეული ასაკიდან ხდება საჭირო ბავშვისთვის, იმის ახსნა, თუ რა არის ქველმოქმედება და რა მიზნებს ემსახურება ის. ბავშვი პატარა ასაკიდანვე უნდა მივაჩვიოთ სხვისთვის გაზიარების მნიშვნელობას (იქნება ეს სათამაშო, თუ სხვა ნივთები). ქველმოქმედება, ბავშვებში უდიდეს შთაბეჭდილებას ტოვებს და მის პიროვნულ ჩამოყალიბებაში მნიშვნელოვან როლს ასრულებს.

ბავშვები, ქველმოქმედების კონცეფციას 3-4 წლიდან აღიქვამენ. ამ ასაკიდან, უკვე შეგიძლიათ ჩართოთ თქვენი პატარა ქველმოქმედების ღონისძიებებში, ინსპირაცია კი, შემდეგი სიიდან შეგიძლიათ აიღოთ:

1. ტანსაცმლის, სათამაშოების და საყოფაცხოვრობო ნივთების გაჩუქება

უამრავი ორგანიზაციაა, რომლის საშუალებით ტანსაცმლის და სათამაშოების გაჩუქება შეგიძლიათ. ჩართეთ ბავშვი პროცესში. სთხოვეთ, რომ გადადოს ის სათამაშოები, რაც მობეზრებული აქვს და რასაც იმეტებს გასაჩუქებლად. როდესაც ყველაფერს მოამზადებთ, აუცილებლად წაიყვანეთ ნივთების გადასაცემად.

1. გაიღეთ სისხლი

სისხლის გაღება სასიცოცხლოდ მნიშვნელოვანია და ჩვენს ჯანდაცვის სისტემაში ხშირად სისხლის დეფიციტია. წაიყვანეთ ბავშვი როცა სისხლს გაიღებთ და აუხსენით რატომ აკეთებთ ამას.

1. გახადეთ ბავშვის დაბადების დღე ქველმოქმედების დღედ

ბავშის დაბადების დღე შეგიძლიათ ქველმოქმედების ღონისძიებად აქციოთ, მაგალითად, სტუმრებს სთხოვეთ, რომ საჩუქრების მაგივრად მოიტანონ ნივთები, რომელსაც შემდგომ  გააჩუქებთ.

1. ცხოველები არ გამოტოვოთ

ცხოველები განსაკუთრებულად მოქმედებს ბავშვების მზრუნველობის და სოციალური პასუხისმგებლობის განვითარებაში, ამიტომ არც საყვარელი კატები და ძაღლები არ გამოტოვოთ. მოიმარაგეთ ოთხფეხა მეგობრებისთვის საჭმელი და ბავშვი ცხოველეთა თავშესაფარში წაიყვანეთ.

1. ქველმოქმედების ქილა

ბავშვს ფულის მიცემისას, სთხოვეთ, რომ ნაწილი ქველმოქმედების ქილაში მოათავსოს, რომელსაც მერე მიუსაფარ ადამიანებს გაუზიარებთ. იმედია 3 ქილა, რომელიც აქ (ფინანსური განათლება ბავშვებისთვის) გირჩიეთ, უკვე დაუდგით თქვენს პატარას.