როგორ მივაჩვიოთ ბავშვი ქოთანს

არ არსებობს ერთადერთი და უტყუარი მეთოდი ბავშვის ქოთანზე მისაჩვევად. თქვენ უნდა შეიმუშავოთ საკუთარი სტრატეგია, იმის მიხედვით თუ როგორია თქვენი პატარა. წარმოგიდგენთ რამდენიმე პოპულარ მეთოდს, რომელიც იმედი მაქვს დაგეხმარებათ:

1. დააკვირდით თქვენს პატარას, არის თუ არა ის მზად ქოთნისთვის, როცა იქნება დაახლოებით 2 წლის. არ დააძალოთ. დადეთ ქოთანი აბაზანაში, მაგრამ არ დაატანოთ ძალა მის გამოსაყენებლად.

• დადებითი: ნაკლები იმედგაცრუება ბავშვისთვის.
• უარყოფითი:  დიდი ალბათობით ბავშვი იმაზე დიდხანს გამოიყენებს საფენებს, ვიდრე სხვა მეთოდების დროს. (ბავშვების უმეტესობა ქოთანს ეჩვევა 3 წლისთვის, ასე რომ სანერვიულო არაფერია)

ეს მეთოდი კარგია მიზანდასახული ბავშებისთვის, რომელთაც უყვართ გარკვეული დავალებების შესრულება და არიან შედეგზე ორიენტირებულნი.

1. მიმართეთ მთელი ძალისხმევა ბავშვის ქოთანზე მისაჩვევად. იყავით სახლში და მიიყვანეთ ქოთანთან თქვენი პატარა გარკვეული დროის ინტერვალებში. აკეთეთ ეს დაახლოებით 1 კვირა. ამ პერიოდის დასასრულს ბავშვი ნაწილობრივ მაინც ნავარჯიშები იქნება ამ საკითხში.

• დადებითი: მიზანმიმართული ძალისხმევა ეხმარება ბავშვს ამ დავალების მიმართ კონცენტრირებაში.
• უარყოფითი: ისე უნდა გაანაწილოთ თქვენი დრო, რომ უმეტესი ნაწილი სახლში გაატაროთ. გარდა ამისა, თუ იქნებით ძალიან მომთხოვნი, შეიძლება არასასურველი შედეგი მიიღოთ

ეს მეთოდი კარგია ბავშვისთვის, რომელსაც შეუძლია თანამშრომლობა და აყოლა. თუ ხედავთ, რომ თქვენი პატარა იმედგაცრუებული და შეძრწუნებულია, აირჩიეთ სხვა სტრატეგია.

1.  გადაიყვანეთ თქვენი პატარა ჩვეულებრივი საფენებიდან სპეციალური სავარჯიშო საცვლების გამოყენებაზე (სავარჯიშო საცვლები ასე გამოიყურება). შეიყვანეთ დროის გარკვეულ ინტერვალებში აბაზანაში, ხშირად ჰკითხეთ სჭირდება თუ არა სააბაზანოში შესვლა. აუცილებლად შეაქეთ თუ ქოთანთან დროულად მივა.

• დადებითი: სავარჯიშო საცვლები უზრუნველყოფენ ბავშვის სიმშრალეს, მაგრამ ზოგჯერ, თუ ის ძალიან გადაივსო – სითხე ჟონავს. ამის შედეგად ბავშვის ცნობიერება თავისი ორგანიზმის ფუნქციების შესახებ იზრდება, რაც კარგია.
• უარყოფითი: ჩვეულებრივ საფენებთან შედარებით ის ძვირია.

თუ იცით,  რომ თქვენთვის შემაწუხებელი იქნება ის ფაქტი, რომ თქვენი პატარა ვერ მიუსწრებს ქოთანს, სავარჯიშო საცვლები შეამცირებს როგორც თქვენს, ასევე ბავშვის აღელვების მომენტს.