არის თუ არ ბავშვი მზად ბაღისთვის?

ბაღში ბავშის შეყვანის ასაკი 2.5-3 წლამდე მიიჩნევა, მაგრამ, რა თქმა უნდა, ყველა ბავშვი ინდივიდუალურია და თქვენ უნდა განსაზღვროთ არის თუ არა თქვენი პატარა სოციალურად, ფიზიკურად და მენტალურად მზად იმისთვის, რომ ის ყოველდღიურ, სტუქტურიზებულ საგანმანათლებო პროგრამაში ჩაერთოს.

ამ საკითხის გადასაწყვეტად, პირველ რიგში, თქვენს ინსტინქტებს უნდა ენდოთ. მაგრამ საკითხისადმი სისტემური მიდგომისთვის, გირჩევთ, რომ საკუთარ თავს შემდეგი კითხვები დაუსვათ.

1. არის ბავშვი დამოუკიდებელი?

ბავშვს ელემენტარული უნარები სჭირდება, რომ ბაღში იაროს, მაგალითად, ქოთანზე ჯდომა, ხელების დაბანა, დამოუკიდებლად ჭამა და ძილი.

1. გაუტარებია დრო თქვენს გარეშე?

თუ ბავშვს ძიძასთან ან სხვა ოჯახის წევრთან ხშირად ტოვებთ ხოლმე, სავარაუდოდ, ნაკლებად გაუჭირდება თქვენს გარეშე დარჩენა. თუ ბავშვი თქვენზე მოწებებულია, შეეცადეთ, რომ ღამისთევით ბებიასთან, დეიდასთან და ოჯახის სხვა წევრთად ხშირად დატოვოთ. თუმცა, ძალიანაც არ ინერვიულოთ, ხშირად არის შემთხვევები, როდესაც ასეთი ბავშვები ბაღს პირველ დღესვე გადასარევად ეგუებიან. მთავარია, დრო სწორად გადაანაწილოთ, თავიდან სცადეთ, რომ ბავში 1-2 საათი დატოვოთ ბაღში და  შემდეგ ნელ-ნელა დარჩენის დროს მოუმატეთ.

1. შეუძლია მარტო თავის გართობა და თამაში?

ბაღი მოიცავს ხატვას, ძერწვას და ისეთ აქტივობებს, რისთვისაც ბავშვს საქმეზე კონცენტრაცია სჭრდება. თუ თქვენს პატარას ხატვის, ფაზლების და რებუსების კეთება აინტერესებს და ამ თემაზე ფოკუსირება შეუძლია, ის სავარაუდოდ ბაღისთვის მზად არის.

1. შეუძლია ბავშვს მონაწილეობა მიიღოს ჯგუფურ აქტივობებში?

ყველა ბაღი მოიცავს აქტივობებს, სადაც ბავშვებს ერთმანეთთან ინტერაქციის და თამაშის დრო ეძლევა, რაც ხშირად, ჯდომას და სხვა ბავშვებისთვის მოსმენას ნიშნავს. ეს პატარებს ხშირად უჭირთ, რომლებიც ყოველთვის არ არიან მზად სხვა ბავშვებთან სათამაშოდ და კომპრომისებზე წასასვლელად.

1. მიჩვეულია რუტინას?

ბაღში დრო ყველაფრისთვის განსაზღვრულია – თამაშის დრო, ჭამის დრო, გარეთ გასვლის დრო. ამის მიზეზი ის არის, რომ ბავშვები თავს ყველაზე კომფურტულად გრძნობენ, როდესაც ყველაფერი დღის ერთი და იგივე დროს ხდება. თუ თქვენს ბავშვს არა აქვს სტანდარტული რუტინა და ყოველი დღე მათთვის განსხვავებულია, შეეცადეთ, რომ სანამ ბაღში შეიყვანთ, ბავშვის ცხოვრებაში სტანდარტიზირებული რეჟიმი შემოიტანოთ – მაგალითად ყოველ დღე ერთსა და იმავე დროს გაისეირნოთ გარეთ.

1. ფიზიკური მზაობა?

ბავშვები ბაღში საკმაოდ იტვირთებიან თამაშითა თუ სხვადასხვა აქტივობებში მონაწილეობით. დააკვირდით არის თუ არა ბავშვი მზად იმისთვის, რომ ერთი აქტივობიდან მეორეზე გადახტეს, ისე რომ არ გადაიღალოს და ჭიჭყინი არ დაიწყოს. ასევე, დაფიქრდით ძილის გრაფიკზე, როდის იძინებს თქვენი პატარა და რამდენად შეესაბამება ეს ბაღის გრაფიკს.