B ჯგუფის სტრეპტოკოკი ორსულებში

თუ თქვენ ხართ ორსულად, ექიმი აუცილებლად დაგინიშნავთ B ჯგუფის სტრეპტოკოკის ანალიზს ორსულობის 35-37 კვირის ვადაზე. ბევრს აინტერესებს რისთვის არის საჭირო ეს ანალიზი:

რა არის GBS – B ჯგუფის სტრეპტოკოკი?

ეს არის ბაქტერიის  საკმაოდ გავრცელებული ნაირსახეობა. მას ხშირად ნახულობენ ჯანმრთელი ქალის ვაგინაში და სწორ ნაწლავში. ეს ბაქტერია შესაძებელია ბუნებრივად გაჩნდეს და ასევე გაქრეს ორგანიზმიდან.

თუ თქვენ გაქვთ GBS, ეს არ ნიშნავს იმას, რომ თავს ცუდად უნდა გრძნობდეთ ან ავად უნდა იყოთ. ის არ არის თქვენთვის საზიანო. არც იმის რისკი არსებობს, რომ სახლში თქვენს ოჯახის წევრებს თქვენგან გადაედოს მსგავსი რამ. ასე რომ, არ შეშინდეთ.

რა არის GBS ტესტი?

ეს არის ტესტი, რომელი რეკომენდირებულია ყველა ორსული ქალბატონისთვის, რომელიც არის ორსულობის 35-37 კვირაზე. ამ ტესტით ირკვევა, არის თუ არა ორსული ქალბატონის ორგანიზმში ეს ბაქტერია.

რას ნიშნავს GBS-პოზიტიური?

თუ თქვენი ანალიზის პასუხი არის პოზიტიური, ეს არ ნიშნავს იმას, რომ თქვენ გაქვთ ინფექცია, სქესობრივად გადამდები დაავადება ან რაიმე მსგავსი. ეს მიუთითებს მხოლოდ იმაზე, რომ თქვენს ორგანიზმში არის ეს კონკრეტული ბაქტერია.

თუ ვარ GBS-პოზიტიური რატომ არ მინიშნავს ექიმი ანტიბიოტიკს?

ანტიბიოტიკის მიღება ხდება მხოლოდ მშბოარობის დროს! მშბიარობამდე მისი მიღება არ არის საჭრო, მეტიც, ის არანაირ ეფექტს არ გვაძლევს – რადგან ამით არ მცირდება რისკი იმისა, რომ ეს ბაქტერია გავრცელდება თქვენს პატარაზე უშუალოდ მშობიარობის დროს. ამის მიზეზი კი არის ის, რომ ეს ბაქტერია ძალიან მალე იწყებს ხელახლა ზრდას.

რამდენად დაცულია ჩემი პატარა GBS-სგან?

ბავშის დაცვა მოხდება მშობიარობის დროს მიღებული ინტრავენური ანტიბიოტიკით. ამიტომ, აუცილებლად უთხარით ექიმს ვინც გამშობოარებთ, რომ ხართ GBS-პოზიტიური. რათქმაუნდა, მშობიარობის წინ ყველა ექიმი გკითხავთ ამას, მაგრამ შეგიძლიათ კიდევ ერთხელ შეახსენოთ, ამით ცუდი არაფერი მოხდება.

შეიძლება თუ არა ძუძუთი კვება თუ ვარ GBS-პოზიტიური?

დიახ! ასეთ ქალბატონებს შეუძლიათ ბავშვი ყავდეთ ძუძუთი კვებაზე.  ძალიან იშვიათად, GBS შეიძება გავრცელდეს დედის რძიდან ბავშვის ორგანიზმში, თუმცა დედის რძიდან მიღებული სარგებელი ბევრად მეტია, ვიდრე GBS-ის გავრცელების რისკი.