ახდენს თუ არა თქვენი ძილის პოზა გავლენას ნაყოფის ჯანმრთელობაზე?

რაც უფრო მეტი დრო გადის მით უფრო რთულია ორსულმა შეარჩიოთ ისეთი პოზა, რომელიც თქვენთვის კომფორტული და ბავშვისთვის სასარგებლო იქნება. განვიხილოთ თითოეული ვარიანტი:

მარცხენა გვერდზე წოლა ხელს უწყობს სისხლის მიმოქცევას. ამ დროს თქვენი შვილი იღებს საკმარისი რაოდენობით ჟანგბადს და საკვებ ნივთერებებს. აგრეთვე, ნაკლებია ზეწოლა ღვიძლზე საშვილოსნოს მხრიდან. განსაკუთრებით გაითვალისწინეთ ეს რჩევა ორსულობის ბოლო კვირებში

მარჯვენა გვერდზე წოლა ორსულობის ბოლო პერიოდში უკეთესია ვიდრე ზურგზე ან მუცელზე წოლა, თუმცა არ არის ისეთი სასარგებლო, როგორც მარცხენა გვერდზე წოლა, რადგან ამ დროს გადიდებულმა საშვილოსნომ ზეწოლის გამო შესაძლებელია ღვიძლზე უარყოფითი გავლენა იქონიოს

ზურგზე წოლა ორსულობის პირველ კვირებში არ წარმოადგენს პრობლემას. ამ დროს საშვილოსნო არ არის იმდენად გადიდებული რომ დააწვეს ვენებს და შეაფერხოს სისხლის გულისკენ მიდინება.

მეორე ტრიმესტრიდან კი ზურგზე წოლის შემდეგ შეიძლება იგრძნოთ თავბრუსხვევა, გულისრევა. შესაძლოა დაირღვეს ნაყოფისკენ საკვები ნივთიერებების საკმარისი რაოდენობით მიწოდება. გაითვალისწინეთ, რომ ორსულობის ბოლო პერიოდში ზურგზე წოლა განსაკუთრებით სახიფათოა. კვლევის მიხედვით, არსებობს გარკვეული კავშირი მკვდრადშობადობასა და ძილის ამ პოზას შორის

რაც შეეხება მუცელზე წოლას, იგი ორსულობის პირველ კვირებში არ შეგაწუხებთ, თუმცა პირველი ტრიმესტრის შემდეგ ამ პოზის გამოყენება მოუხერხებელიც არის და ნაყოფისთვის საზიანოც

რა თქმა უნდა შეუძლებელია ძილის განმავლობაში აკონტროლოთ თქვენი მოძრაობები. ერთი რამ რაც თქვენ შეგიძლიათ გააკეთოთ არის ის, რომ განსაკუთრებით ორსულობის ბოლო პერიოდში დაწვეთ გვერდზე, დაიდოთ ზურგს უკან ბალიშები და იმ შემთხვევაში თუ გამოგეღვიძებათ და აღმოაჩენთ რომ არასწორად წევხართ, შეიცვალოთ პოზა.